హైదరాబాద్ సిటీబ్యూరో, డిసెంబర్ 17 ( నమస్తే తెలంగాణ ): పాస్పోర్ట్ సేవల కోసం శనివారం నిర్వహించిన స్పెషల్ డ్రైవ్ విజయవంతంగా ముగిసిందని హైదరాబాద్ రీజినల్ పాస్పోర్ట్ ఆఫీసర్ దాసరి బాలయ్య తెలిపారు. ఇందులో 2,600 దరఖాస్తుల ప్రక్రియ పూర్తి చేసినట్టు తెలిపారు.
ఆర్పీఓ పరిధిలోని బేగంపేట, టోలిచౌకి, అమీర్పేట, నిజామాబాద్, కరీంనగర్ పాస్పోర్ట్ సేవా కేంద్రాల్లో ఈ డ్రైవ్ నిర్వహించినట్టు చెప్పారు. ఈ నెల 19 నుంచి 23వ తేదీ వరకు ప్రతిరోజూ 5 పాస్పోర్ట్ సేవా కేంద్రాల్లో అదనంగా 50 తతాల్ అపాయింట్మెంట్లను విడుదల చేస్తామని వెల్లడించారు. ఈ నెల 24 న కూడా ప్రత్యేక డ్రైవ్ ఉంటుందని బాలయ్య తెలిపారు.