Telangana | విద్యార్థులకు మధ్యాహ్న భోజనంలో చేపల పులుసు!

Telangana | విద్యార్థులకు మధ్యాహ్న భోజనంలో చేపల కూరను చేర్చాలని మత్స్యశాఖ యోచిస్తున్నది. ఇందుకు సంబంధించి మత్స్య ఫెడరేషన్‌ కసరత్తు చేస్తున్నది.

Telangana |  హైదరాబాద్‌, జూలై 18(నమస్తే తెలంగాణ): విద్యార్థులకు మధ్యాహ్న భోజనంలో చేపల కూరను చేర్చాలని మత్స్యశాఖ యోచిస్తున్నది. ఇందుకు సంబంధించి మత్స్య ఫెడరేషన్‌ కసరత్తు చేస్తున్నది. మొత్తం విద్యార్థులు ఎంత మంది ఉంటారు, వారికి ఎన్ని రోజులు చేపల కూర వడ్డించాలి, ఒక్కొక్కరికి ఎన్ని గ్రాములు అవసరం, పిల్లలందరికీ కలిపి ఎంత మొత్తంలో చేపలు అవసరం అవుతాయి, ఇందుకు నిధుల సమీకరణ ఎలా అనే అంశంపై అధికారులు లెక్కలు తీస్తున్నారు.

ఈ కసరత్తు పూర్తి కాగానే పూర్తి నివేదికను ప్రభుత్వానికి అందించనున్నారు. ఆ తర్వాత ప్రభుత్వ నిర్ణయానికి అనుగుణంగా చర్యలు చేపట్టాలని భావిస్తున్నారు.