మూడు డెయిరీ యూనిట్లు సీజ్‌

హైదరాబాద్‌లోని డెయిరీ యూనిట్లలో టీజీ సేఫ్‌ అధికారులు ఆకస్మిక దాడులు నిర్వహించి మూడు డెయిరీలను సీజ్‌ చేశారు. మంగళవారం టీజీ సేఫ్‌ అధికారులు నిర్వహించిన ఆకస్మిక తనిఖీల్లో అపరిశుభ్రత పరిస్థితులు వెలుగుచూశాయి.

హైదరాబాద్‌, సెప్టెంబర్‌ 22 (నమస్తే తెలంగాణ): హైదరాబాద్‌లోని డెయిరీ యూనిట్లలో టీజీ సేఫ్‌ అధికారులు ఆకస్మిక దాడులు నిర్వహించి మూడు డెయిరీలను సీజ్‌ చేశారు. మంగళవారం టీజీ సేఫ్‌ అధికారులు నిర్వహించిన ఆకస్మిక తనిఖీల్లో అపరిశుభ్రత పరిస్థితులు వెలుగుచూశాయి.డ్రైనేజీ నిర్వహణలో లోపాలున్నాయని, కల్తీపై అనుమానంతో 18 డెయిరీల నుంచి పాల నమూనాలు సేకరించామని, 10 యూనిట్లకు ఇంప్రూవ్‌మెంట్‌ నోటీసులు జారీచేశామని తెలిపారు. హయత్‌నగర్‌లోని వెంకటశివ మిల్క్‌ పాయింట్‌ ఫస్సీ లైసెన్స్‌ లేకుండా, అపరిశుభ్ర పరిస్థితుల్లో నిర్వహిస్తున్నట్టు గుర్తించి సీజ్‌ చేసినట్టు చెప్పారు. సప్తగిరి ఫుడ్స్‌, ఆల్‌ రిచ్‌ డెయిరీ ఫస్సీ లైసెన్స్‌ను రద్దు చేశామని అధికారులు తెలిపారు.