Yogoda Satsanga Society: సైంటిఫిక్ హీలింగ్ పుస్త‌కం తెలుగు అనువాదం రిలీజ్

Yogoda Satsanga Society: యోగానంద రచించిన 'సైంటిఫిక్ హీలింగ్ ఎఫర్మేషన్స్' తెలుగు అనువాదం “శాస్త్రీయమైన స్వాస్థ్యకారక దివ్యసంకల్పాలు” అనే పుస్తకాన్ని విడుద‌ల చేశారు. హైదరాబాద్ బుక్ ఫెయిర్ లోని యోగదా సత్సంగ సొసైటీ ఆఫ్ ఇండియా స్టాలులో ఈ పుస్తకాన్ని స్వామి ప్రజ్ఞానంద విడుదల చేశారు.

హైదరాబాద్: యోగదా సత్సంగ సొసైటీ(Yogoda Satsanga Society) ఆఫ్ ఇండియా వ్యవస్థాపకుడు, ఒక యోగి ఆత్మకథ రచయిత పరమహంస యోగానంద రచించిన ‘సైంటిఫిక్ హీలింగ్ ఎఫర్మేషన్స్’ తెలుగు అనువాదం “శాస్త్రీయమైన స్వాస్థ్యకారక దివ్యసంకల్పాలు” అనే పుస్తకాన్ని ఇవాళ విడుద‌ల చేశారు. హైదరాబాద్ బుక్ ఫెయిర్ లోని యోగదా సత్సంగ సొసైటీ ఆఫ్ ఇండియా స్టాలులో ఈ పుస్తకాన్ని స్వామి ప్రజ్ఞానంద విడుదల చేశారు. ఈ పుస్తకంలో సాధకుడిలోని స్వస్థతాశక్తిని అర్థం చేసుకొని నిత్యజీవితంలో ఆచరించడానికి ఈ పుస్తకం ఒక మార్గదర్శినిగా ఉపయోగపడుతుందని స్వామీజీ తెలిపారు. ఆత్మసాక్షాత్కారం కోసం క్రియాయోగ ధ్యాన ప్రక్రియను అభ్యాసం చేయాలని స్వామి ప్రజ్ఞానంద సూచించారు. క్రియాయోగ పాఠాల కోసం హైదరాబాద్లోని యోగదా సత్సంగ సొసైటీ ఆఫ్ ఇండియా ధ్యాన కేంద్రాన్ని సందర్శించాలని కోరారు. కార్యక్రమంలో పలువురు క్రియాయోగులు, భక్తులు పాల్గొన్నారు.