విజయ పాల ధర రూ.1 పెంపు

తెలంగాణ విజయ డెయిరీ స్టాండర్డ్‌ పాల ధరలు పెరిగాయి. 4.5 శాతం వెన్న పాలు, 6 శాతం వెన్న ఉన్న 500 గ్రాముల ప్యాకెట్‌పై రూ.1 చొప్పున పెంచినట్టు యాజమాన్యం వెల్లడించింది.

హైదరాబాద్‌, అక్టోబర్‌ 15 (నమస్తే తెలంగాణ) : తెలంగాణ విజయ డెయిరీ స్టాండర్డ్‌ పాల ధరలు పెరిగాయి. 4.5 శాతం వెన్న పాలు, 6 శాతం వెన్న ఉన్న 500 గ్రాముల ప్యాకెట్‌పై రూ.1 చొప్పున పెంచినట్టు యాజమాన్యం వెల్లడించింది. దీంతో 4.5 శాతం వెన్న పాలు రూ.34 నుంచి రూ.35కి, 6 శాతం వెన్న పాల ధర రూ.39 నుంచి రూ.40కి పెరిగింది.

పెరిగిన ధరలు శుక్రవారం నుంచి అమలులోకి వస్తాయి. ఈ మేరకు విజయ డెయిరీ జనరల్‌ మేనేజర్‌ ఒక ప్రకటన విడుదల చేశారు.