హైదరాబాద్‌ పరిసరాల్లో పాత రాతియుగపు పనిముట్లు

హైదరాబాద్‌ పరిసర ప్రాంతాల్లో మరోసారి పాత రాతియుగం నాటి పనిముట్లు వెలుగుచూశాయి. కె్లైమేట్‌ ఫ్రంట్‌ తెలంగాణ వైస్‌ ప్రెసిడెంట్‌, కొత్త తెలంగాణ చరిత్ర బృందం సభ్యుడు, మారేడు ఎన్విరాన్‌ మెంటల్‌ సర్వీసెస్‌ సహ-వ్యవస్థాపకుడు మీర్‌ ఒమర్‌ అలీఖాన్‌, వన్యప్రాణి సంరక్షకుడు శ్రీపతి వైష్ణవ్‌తో కలిసి నిర్వహించిన అన్వేషణలో ఈ పనిముట్లు బయటపడ్డాయి.

• 3 లక్షల ఏండ్ల కిందట మానవ ఆవాసానికి సాక్ష్యం

హైదరాబాద్‌, సెప్టెంబర్‌ 23 (నమస్తే తెలంగాణ): హైదరాబాద్‌ పరిసర ప్రాంతాల్లో మరోసారి పాత రాతియుగం నాటి పనిముట్లు వెలుగుచూశాయి. కె్లైమేట్‌ ఫ్రంట్‌ తెలంగాణ వైస్‌ ప్రెసిడెంట్‌, కొత్త తెలంగాణ చరిత్ర బృందం సభ్యుడు, మారేడు ఎన్విరాన్‌ మెంటల్‌ సర్వీసెస్‌ సహ-వ్యవస్థాపకుడు మీర్‌ ఒమర్‌ అలీఖాన్‌, వన్యప్రాణి సంరక్షకుడు శ్రీపతి వైష్ణవ్‌తో కలిసి నిర్వహించిన అన్వేషణలో ఈ పనిముట్లు బయటపడ్డాయి.

రంగారెడ్డి జిల్లా మహేశ్వరం మండలం కొంగరకలాన్‌ను ఆనుకుని ఉన్న కొంగర ఖుర్దు అటవీ ప్రాంతంలో పాత రాతియుగానికి చెందిన రాతి గొడ్డలి లభ్యమైంది. చేతిగొడ్డలితోపాటు గుండ్రని వడిసెలరాయి కూడా దొరకడం విశేషం. కొత్త తెలంగాణ చరిత్ర బృందం అధ్యక్షుడు శ్రీ రామోజు హరగోపాల్‌ స్పందిస్తూ.. మంచిరేవుల నుంచి కొంగర ఖుర్దు వరకు విస్తరించిన ఈ ప్రాంతం కనీసం 3 లక్షల సంవత్సరాల క్రితమే ప్రాచీన మానవ ఆవాసంగా వర్ధిల్లిందనడానికి ఈ రాతి పనిముట్లే తిరుగులేని ఆధారాలని పేరొన్నారు.