సర్కారు అణచివేతలను ఆపండి.. గవర్నర్‌కు దాసోజు శ్రవణ్‌ వినతి

రాష్ట్రంలో సీఎం రేవంత్‌రెడ్డి సర్కారు కొనసాగిస్తున్న అణచివేతను ఆపేలా చర్యలు తీసుకోవాలని బీఆర్‌ఎస్‌ పార్టీ సీనియర్‌నేత దాసోజు శ్రవణ్‌ గవర్నర్‌ సీపీ రాధాకృష్ణన్‌కు రాసిన లేఖలో విజ్ఞప్తి చేశారు.

హైదరాబాద్‌, జూలై 10 (నమస్తే తెలంగాణ): రాష్ట్రంలో సీఎం రేవంత్‌రెడ్డి సర్కారు కొనసాగిస్తున్న అణచివేతను ఆపేలా చర్యలు తీసుకోవాలని బీఆర్‌ఎస్‌ పార్టీ సీనియర్‌నేత దాసోజు శ్రవణ్‌ గవర్నర్‌ సీపీ రాధాకృష్ణన్‌కు రాసిన లేఖలో విజ్ఞప్తి చేశారు. ఓయూలోనే కాదు రాష్ట్రవ్యాప్తంగా విద్యార్థులు, ఉద్యోగార్థులు, జర్నలిస్టులపై జరుగుతున్న వరుస దాడులను ఆయన గవర్నర్‌కు రాసిన లేఖలో ఉదహరించారు.

ప్రజాపాలన పేరుతో సీఎం రేవంత్‌రెడ్డి సర్కారు ప్రజాస్వామ్యాన్ని ఖూనీ చేస్తున్నారని ఆరోపించారు. రాష్ట్ర సాధన పోరాటానికి ప్రతీకగా నిలిచిన ఉస్మానియా యూనివర్సిటీలో విద్యార్థులపై సీఎం రేవంత్‌రెడ్డి సర్కారు అణచివేతకు పాల్పడుతున్నారని ఉదహరించారు. ప్రజాస్వామిక హకుల ఉల్లంఘనలో రాష్ట్ర ప్రభుత్వం పోటీపడుతున్నదని ఆవేదన వ్యక్తంచేశారు. వి

ద్యార్థుల శాంతియుత నిరసనలను, నిరాహార దీక్షలపై ప్రభుత్వం స్పందించకపోగా అణచివేత చర్యలకు పాల్పడుతున్నదని ఆరోపించారు. వరుస ఘటనలపై జోక్యం చేసుకొని బాధిత సమాజంతో సర్కారు చర్చలు జరిపి వాటిని పరిష్కరించేలా మార్గదర్శనం చేయాలని దాసోజు శ్రవణ్‌ గవర్నర్‌కు విజ్ఞప్తి చేశారు.