గ్రహాల పుట్టుక గుట్టు తెలిసింది!

గ్రహాలు ఎలా పుట్టాయి? నక్షత్రాలు ఎలా జన్మించాయి? లాంటి ప్రశ్నలు ఇంకా ప్రశ్నలుగానే మిగిలిపోయాయి. వీటికి సమాధానాన్ని వెతికే బాధ్యతను జేమ్స్‌ వెబ్‌ స్పేస్‌ టెలిస్కోప్‌ తీసుకొన్నది.

• జేమ్స్‌ వెబ్‌ టెలిస్కోప్‌తో కనిపెట్టిన శాస్త్రవేత్తలు

న్యూఢిల్లీ, ఏప్రిల్‌ 29: గ్రహాలు ఎలా పుట్టాయి? నక్షత్రాలు ఎలా జన్మించాయి? లాంటి ప్రశ్నలు ఇంకా ప్రశ్నలుగానే మిగిలిపోయాయి. వీటికి సమాధానాన్ని వెతికే బాధ్యతను జేమ్స్‌ వెబ్‌ స్పేస్‌ టెలిస్కోప్‌ తీసుకొన్నది. మన సౌరకుటుంబం ఉన్న పాలపుంత సమీపంలో గ్రహాలు ఎలా ఏర్పడతాయో కనిపెట్టింది. ఇందుకోసం శాస్త్రవేత్తలు ఎన్‌జీసీ 346 అనే చైతన్యవంతమైన నక్షత్ర ఉత్పత్తి ప్రాంతంపై దృష్టి పెట్టారు. తక్కువ బరువు గల నక్షత్ర ఏర్పాటును అర్థం చేసుకోవడం ద్వారా సౌర వ్యవస్థ ఏర్పాటును అర్థం చేసుకోవచ్చని చెప్తున్నారు. అయితే ఈ తరహా నక్షత్రాలు ఏర్పడేటప్పుడు అవి చాలా మొత్తంలో ధూళిని వెలువరిస్తాయి. ఈ దృశ్యాన్ని మామూలు కెమెరాతో చిత్రీకరించడం అసాధ్యం. కానీ జేమ్స్‌ వెబ్‌ టెలిస్కోప్‌ కెమెరా ఈ సమస్యను అధిగమించింది. దీని ద్వారా గ్రహం ఏర్పాటును కూడా శాస్త్రవేత్తలు పరిశీలించవచ్చు. ఎన్‌జీసీ 346లో గ్రహాల పుట్టుకకు అవసరమైన పదార్థాలు శాస్త్రవేత్తలు గుర్తించడంతో వాటి ఉనికి అర్థం చేసుకోవడం మరింత విస్తృతమైందని నాసా డిప్యూటీ శాస్త్రవేత్త స్టీఫనీ మిలమ్‌ పేర్కొన్నారు.