Inter Board | తప్పిదాల నుంచి పాఠాలు నేర్వని ఇంటర్‌ బోర్డు!.. ఒక్కరోజు వ్యవధిలోనే షెడ్యూల్‌ విడుదల, రద్దు

Inter Board | తప్పులు, తప్పిదాల నుంచి తెలంగాణ ఇంటర్‌బోర్డు పాఠాలు నేర్వడం లేదు. సోమవారం ఇంటర్‌ అడ్మిషన్ల షెడ్యూల్‌ విడుదల చేసి.. మంగళవారమే రద్దు చేసింది.

Inter Board | హైదరాబాద్‌, మే 5 (నమస్తే తెలంగాణ): తప్పులు, తప్పిదాల నుంచి తెలంగాణ ఇంటర్‌బోర్డు పాఠాలు నేర్వడం లేదు. సోమవారం ఇంటర్‌ అడ్మిషన్ల షెడ్యూల్‌ విడుదల చేసి.. మంగళవారమే రద్దు చేసింది. తదుపరి ఉత్తర్వులు వచ్చేవరకు అడ్మిషన్లు నిర్వహించరాదని స్పష్టంచేసింది.

విద్యా వ్యవస్థలో కీలక సంస్కరణలు, పారదర్శకత కోసం కొత్త మార్గదర్శకాలు రూపొందిస్తున్నామని, త్వరలోనే సవరించిన షెడ్యూల్‌ను విడుదల చేస్తామని వెల్లడించింది. అయితే సోమవారమే అడ్మిషన్ల షెడ్యూల్‌ను బోర్డు విడుదల చేసిన బోర్డు.. ఒకరోజు గడవగానే షెడ్యూల్‌ను నిలిపివేయడం పలు అనుమానాలకు తావిస్తున్నది. అయితే వచ్చే విద్యాసంవత్సరానికి సంబంధించి కాలేజీల అఫిలియేషన్‌ ప్రక్రియ పూర్తికాలేదు. అనుమతులివ్వకుండానే అడ్మిషన్లు చేపట్టడం వీలు కాదు. ఈ క్రమంలోనే షెడ్యూల్‌ను రద్దుచేసినట్టు పలువురు ప పేర్కొంటున్నారు.