హైదరాబాద్ : ఆర్టీసీ బస్సు ఆపమన్నందుకు ఓ ప్రయాణికుడిపై(Passenger) బస్సు డ్రైవర్(RTC driver)దాడికి(Attack) పాల్పడ్డాడు. వివరాల్లోకి వెళ్తే..రాజలింగం అనే ప్రయాణికుడు రామాయంపేట వెళ్లడానికి మేడ్చల్లో ఆర్టీసీ బస్సు (TS 10 UC 9847) కనిపించడంతో చెయ్యెత్తి బస్సును ఆపమని అభ్యర్థించాడు. బస్సు ఆపకపోవడంతో ప్రయాణికుడు డ్రైవర్ను తిట్టాడు. దీంతో ఆగ్రహం చెందిన బస్సు డ్రైవర్ బస్సును పక్కకు ఆపి రాజలింగం తలపై కర్రతో గట్టిగా కొట్టాడు. ఈ ఘటనలో ప్రయాణికుడికి తల పగిలి తీవ్ర గాయాలయ్యాయి. క్షతగాత్రుడిని హాస్పిటల్కు తరలించారు. పూర్తి వివరాలు తెలియాల్సి ఉంది.