Free Bus for Women | వామ్మో ఈ బస్సు నేను నడపలేను.. పరిమితికి మించి ఎక్కిన మహిళలు.. చేతులెత్తేసిన ఆర్టీసీ డ్రైవర్‌

ఆర్టీసీ బస్సులో పరిమితికి మించి మహిళా ప్రయాణికులు ఎక్కడంతో విసుగు చెందిన ఓ డ్రైవర్‌.. ఈ బస్సు నడపడం తన వల్ల కాదని చేతులెత్తేశాడు. ఈ ఘటన శుక్రవారం నల్లగొండ జిల్లా పెద్ద అడిశర్లపల్లి మండల కేంద్రంలో చోటుచేసుకుంది.

Free Bus for Women | పెద్దఅడిశర్లపల్లి, మే 17: ఆర్టీసీ బస్సులో పరిమితికి మించి మహిళా ప్రయాణికులు ఎక్కడంతో విసుగు చెందిన ఓ డ్రైవర్‌.. ఈ బస్సు నడపడం తన వల్ల కాదని చేతులెత్తేశాడు. ఈ ఘటన శుక్రవారం నల్లగొండ జిల్లా పెద్ద అడిశర్లపల్లి మండల కేంద్రంలో చోటుచేసుకుంది. ఉదయం 10 గంటలకు పెద్దగట్టు నుంచి హైదరాబాద్‌ వెళ్తున్న ఆర్టీసీ బస్సు అప్పటికే మహిళలతో నిండిపోయింది.

మండల కేంద్రంలోని చౌరస్తాకు వచ్చే సరికే బస్సంతా నిండిపోయి మహిళలు డోర్‌లో నిలబడ్డారు. మరికొందరు మహిళలు తమను ఎక్కించుకోవాలని డ్రైవర్‌తో వాగ్వాదానికి దిగారు. దీంతో పరిమితికి మించి ప్రయాణికులను ఎక్కించుకున్న బస్సును నడపడం తన వల్ల కాదని డ్రైవర్‌ బస్సు దిగిపోయాడు. పరిస్థితి అర్థం చేసుకున్న కొందరు మహిళలు ఆటోలో వెళ్లడంతో డ్రైవర్‌ బస్సును ముందుకు కదిలించాడు.