Visit:
హైదరాబాద్‌, నవంబర్‌ 29(నమస్తే తెలంగాణ): రాష్ట్రంలో కొత్తగా 3వేల మెగావాట్ల సోలార్‌ విద్యుత్తు కొనుగోలుకు ప్రభుత్వం గ్రీన్‌ సిగ్నల్‌ ఇచ్చింది. ఇటీవల జరిగిన క్యాబినెట్‌ సమావేశంలో తీసుకున్న నిర్ణయం మేరకు విద్యుత్తు కొనుగోళ్లకు అనుమతినిస్తూ శనివారం జీవో జారీచేసింది. 2030 నాటికి రెన్యువబుల్‌ పవర్‌ సామర్థ్యాన్ని 12వేల మెగావాట్లకు పెంచాలని సర్కార్‌ నిర్ణయించింది. టీజీ రెడ్‌కో అధికారుల ప్రతిపాదనల మేరకు తాజాగా ఈ అనుమతిని ఇచ్చింది. కాంపిటేటివ్‌ బిడ్డింగ్‌ పద్ధతిలో ఐదేండ్ల కాలానికి ఈ విద్యుత్తు కొనుగోలు చేయాలని సూచించింది. 2026 జూన్‌, 2026 డిసెంబర్‌, 2027 జూన్‌ నాటికి వెయ్యి మెగావాట్ల చొప్పున కొనుగోలుకు అనుమతిచ్చింది.
