ప్రజాపాలనలో రైతులు ఆగమాగం

కాంగ్రెస్‌ ప్రజాపాలనలో రైతులు ఆగమాగమవుతున్నారని, వారిని ఆదుకోవడంలో కాంగ్రెస్‌ ప్రభుత్వం పూర్తిగా విఫలమైందని బీఆర్‌ఎస్‌ రాష్ట్ర ప్రధాన కార్యదర్శి ప్రవీణ్‌కుమార్‌ ధ్వజమెత్తారు.

• విద్యుత్తు, ఎరువుల కొరతతో అవస్థలు
• రైతులను ఆదుకోవడంలో కాంగ్రెస్‌ ప్రభుత్వం పూర్తిగా విఫలం
• బీఆర్‌ఎస్‌ రాష్ట్ర ప్రధాన కార్యదర్శి ఆర్‌ఎస్‌ ప్రవీణ్‌కుమార్‌, మాజీ ఎమ్మెల్యే అంజయ్యయాదవ్‌

కొందుర్గు, అక్టోబర్‌ 12 : కాంగ్రెస్‌ ప్రజాపాలనలో రైతులు ఆగమాగమవుతున్నారని, వారిని ఆదుకోవడంలో కాంగ్రెస్‌ ప్రభుత్వం పూర్తిగా విఫలమైందని బీఆర్‌ఎస్‌ రాష్ట్ర ప్రధాన కార్యదర్శి ప్రవీణ్‌కుమార్‌ ధ్వజమెత్తారు. రంగారెడ్డి జిల్లా కొందుర్గు మండల కేంద్రంలో సోమవారం మాజీ ఎమ్మెల్యే వై అంజయ్యయాదవ్‌తో కలిసి మీడియాతో ఆయన మాట్లాడారు.

రాష్ట్రంలో ఎల్‌నినో ప్రభావం, ఎరువుల కొరత, విద్యుత్తు కోతల కారణంగా రైతులు తీవ్ర ఇబ్బందులు పడుతున్నా ప్రభుత్వం ఇప్పటి వరకు ఎలాంటి చర్యలు తీసుకోకపోవడం దారుణమని మండిపడ్డారు. ఈ ప్రభుత్వానికి బుద్ధి చెప్పడానికి రానున్న పట్టభద్రుల ఎమ్మెల్సీ ఎన్నికల్లో బీఆర్‌ఎస్‌ అభ్యర్థులను గెలిపించాలని పిలుపునిచ్చారు. కార్యక్రమంలో జడ్పీ మాజీ వైస్‌ చైర్మన్‌ ఈట గణేశ్‌, సర్పంచులు ప్రభాకర్‌, మోహనచారి, సోనిశేఖర్‌, మాజీ జడ్పీటీసీ రాములు, నాయకులు పాల్గొన్నారు.