బీటీపీఎస్‌లో విద్యుదుత్పత్తికి బ్రేక్‌

భద్రాద్రి కొత్తగూడెం జిల్లా మణుగూరులోని భద్రాద్రి థర్మల్‌ పవర్‌ స్టేషన్‌ (బీటీపీఎస్‌) మూడో యూనిట్‌లో బుధవారం సాంకేతిక లోపం తలెత్తింది. దీంతో 270 మెగావాట్ల విద్యుదుత్పత్తికి అంతరాయం ఏర్పడింది. విద్యుత్తు ఉత్పత్తికి కీలకమైన రోటర్‌ ఎైగ్జెటర్‌లో సాంకేతిక సమస్య ఏర్పడినట్టు అధికారులు గుర్తించారు.

• మూడో యూనిట్‌లో సాంకేతిక సమస్య
• పునరుద్ధరణకు పక్షం రోజులు పట్టే అవకాశం

మణుగూరు టౌన్‌, సెప్టెంబర్‌ 23 : భద్రాద్రి కొత్తగూడెం జిల్లా మణుగూరులోని భద్రాద్రి థర్మల్‌ పవర్‌ స్టేషన్‌ (బీటీపీఎస్‌) మూడో యూనిట్‌లో బుధవారం సాంకేతిక లోపం తలెత్తింది. దీంతో 270 మెగావాట్ల విద్యుదుత్పత్తికి అంతరాయం ఏర్పడింది. విద్యుత్తు ఉత్పత్తికి కీలకమైన రోటర్‌ ఎైగ్జెటర్‌లో సాంకేతిక సమస్య ఏర్పడినట్టు అధికారులు గుర్తించారు.

లోపాన్ని సరిచేసేందుకు అవసరమైన ఎైగ్జెటర్‌ పరికరాన్ని హర్యానా నుంచి తీసుకురావాల్సి ఉన్నది. ఇది రావడానికి 15 రోజుల సమయం పట్టే అవకాశం ఉండటంతో ప్రస్తుతానికి యూనిట్‌లో చిన్నచిన్న మరమ్మతు పనులను ఇంజినీర్లు చేపట్టారు. ఎైగ్జెటర్‌ పరికరం అమర్చిన తరువాతే మూడో యూనిట్‌లో విద్యుత్తు ఉత్పత్తిని పునరుద్ధరించనున్నట్టు బీటీపీఎస్‌ అధికారులు పేర్కొన్నారు.