జర్నలిస్టులపై పోలీసుల దాడి బాధాకరం : టీయూడబ్ల్యూజే నాయకుడు రమణ

ఓయూలో నిరుద్యోగుల ఆందోళన కవరేజీకి వెళ్లిన జర్నలిస్టులపై పోలీసులు చేసిన దాడి చాలా బాధాకరమని టీయూడబ్ల్యూజే నాయకుడు రమణ ప్రకటించారు.

• హైదరాబాద్‌, జూలై 10 (నమస్తే తెలంగాణ) : ఓయూలో నిరుద్యోగుల ఆందోళన కవరేజీకి వెళ్లిన జర్నలిస్టులపై పోలీసులు చేసిన దాడి చాలా బాధాకరమని టీయూడబ్ల్యూజే నాయకుడు రమణ ప్రకటించారు. సచివాలయం మీడియా పాయింట్‌ వద్ద బుధవారం నిరసనకు దిగారు. ఓయూలో జీన్యూస్‌ ప్రతినిధి శ్రీచరణ్‌పై, బల్కంపేట్‌ దేవాలయంలో మహిళా జర్నలిస్టుపై, గాంధీ దవాఖానలో కెమెరామెన్‌పైనా.. పోలీసులు వరుసగా దాడులు చేస్తున్నారని ఆవేదన వ్యక్తంచేశారు. జర్నలిస్టులపై పోలీసుల తీరు మంచిదికాదని హెచ్చరించారు. ఈ కార్యక్రమంలో టీయూడబ్ల్యూజే హైదరాబాద్‌ జిల్లా నేత యోగి, శ్రీనివాస్‌ తదితరులు పాల్గొన్నారు.