పీజీ ప్ర‌వేశాల‌కు కాళోజీ హెల్త్ యూనివ‌ర్సిటీ నోటిఫికేష‌న్ విడుద‌ల

KNRUHS | పోస్టు గ్రాడ్యుయేట్ మెడిక‌ల్ డిగ్రీ, డిప్లొమా కోర్సుల్లో ప్ర‌వేశాల‌కు కాళోజీ నారాయ‌ణరావు హెల్త్ యూనివ‌ర్సిటీ నోటిఫికేష‌న్‌ను శుక్ర‌వారం విడుద‌ల చేసింది. పీజీ మెడిక‌ల్ క‌న్వీన‌ర్ కోటా సీట్ల భ‌ర్తీకి ఈ నెల 20న

హైద‌రాబాద్ : పోస్టు గ్రాడ్యుయేట్ మెడిక‌ల్ డిగ్రీ, డిప్లొమా కోర్సుల్లో ప్ర‌వేశాల‌కు కాళోజీ నారాయ‌ణరావు హెల్త్ యూనివ‌ర్సిటీ నోటిఫికేష‌న్‌ను శుక్ర‌వారం విడుద‌ల చేసింది. పీజీ మెడిక‌ల్ క‌న్వీన‌ర్ కోటా సీట్ల భ‌ర్తీకి ఈ నెల 20న ఉద‌యం 8 గంట‌ల నుంచి 27వ తేదీ సాయంత్రం 5 గంట‌ల వ‌ర‌కు ఆన్‌లైన్‌లో ద‌ర‌ఖాస్తుల‌ను స్వీక‌రించ‌నున్నారు. నీట్ పీజీ -2021 క‌టాఫ్ స్కోర్ ను అనుస‌రించి పీజీ ప్ర‌వేశాలు క‌ల్పించ‌నున్నారు.

ద‌ర‌ఖాస్తు న‌మోదు చేసేట‌ప్పుడు త‌ప్ప‌నిస‌రిగా అవ‌స‌ర‌మైన స‌ర్టిఫికెట్ల‌ను అప్‌లోడ్ చేయాలి. పాస్ పోర్టు సైజ్ ఫోటోతో పాటు సంత‌కాన్ని కూడా అప్‌లోడ్ చేయాలి. లేని ప‌క్షంలో ద‌ర‌ఖాస్తు తిర‌స్క‌రించ‌బ‌డుతుంది. ద‌ర‌ఖాస్తుల‌ను https://tspgmed.tsche.in వెబ‌సైట్ ద్వారా న‌మోదు చేసుకోవ‌చ్చు. ఇత‌ర వివ‌రాల కోసం 93460-18821/ 7842542216 నంబ‌ర్ల‌ను సంప్ర‌దించొచ్చు.