25న ఓయూ ప‌రిధిలో వివిధ పరీక్షలు వాయిదా

Osmania University | ఉస్మానియా యూనివర్సిటీ పరిధిలో శనివారం(సెప్టెంబ‌ర్ 25) నిర్వహించాల్సిన వివిధ పరీక్షలను వాయిదా వేసినట్లు ఓయూ కంట్రోలర్‌ ఆఫ్‌ ది ఎగ్జామినేషన్స్‌ ప్రొఫెసర్‌ శ్రీరాం వెంకటేశ్‌ ఒక ప్రకటనలో

ఉస్మానియా యూనివర్సిటీ : ఉస్మానియా యూనివర్సిటీ పరిధిలో శనివారం(సెప్టెంబ‌ర్ 25) నిర్వహించాల్సిన వివిధ పరీక్షలను వాయిదా వేసినట్లు ఓయూ కంట్రోలర్‌ ఆఫ్‌ ది ఎగ్జామినేషన్స్‌ ప్రొఫెసర్‌ శ్రీరాం వెంకటేశ్‌ ఒక ప్రకటనలో తెలిపారు. రాష్ట్రవ్యాప్తంగా అన్ని యూనివర్సిటీల పరిధిలో ఎంఈడీ కోర్సుల్లో ప్రవేశానికి నిర్వహించే ప్రవేశపరీక్ష శనివారం నిర్వహించనుండడంతో ఆ రోజునాటి పరీక్షలు వాయిదా వేసినట్లు వివరించారు.

పీజీఆర్‌ఆర్‌సీడీఈ ద్వారా అందించే పీజీ డిప్లొమా ఇన్‌ బిజినెస్‌ మేనేజ్‌మెంట్‌, పీజీ డిప్లొమా ఇన్‌ ఇంగ్లీష్‌ లాంగ్వేజ్‌ టీచింగ్‌, పీజీ డిప్లొమా ఇన్‌ మేథమేటిక్స్‌ తదితర కోర్సుల పరీక్షలను తిరిగి వచ్చే నెల 1వ తేదీన నిర్వహించనున్నట్లు చెప్పారు. పరీక్షా కేంద్రం, పరీక్షా సమయాలలో ఎటువంటి మార్పు ఉండబోదని స్పష్టం చేశారు.