విప్లవాన్ని అణచివేసేందుకే ఆపరేషన్‌ కగార్‌

విప్లవాన్ని అణచివేసేందుకే కేంద్ర, రాష్ట్ర ప్రభుత్వాలు ఆపరేషన్‌ ‘కగార్‌'ను చేపట్టాయని, ఇటీవల జరుగుతున్న ఎన్‌కౌంటర్లన్నీ బూటకపు ఎన్‌కౌంటర్లేనని మావోయిస్టు పార్టీ భద్రాద్రి కొత్తగూడెం-అల్లూరి సీతారామరాజు(బీకే-ఏఎస్‌ఆర్‌) డివిజన్‌ కార్యదర్శి ఆజాద్‌ పేరుతో గురువారం ఓ లేఖను విడుదల చేశారు.

• అవన్నీ బూటకపు ఎన్‌కౌంటర్లే
• మావోయిస్టు నేత ఆజాద్‌ పేరుతో లేఖ విడుదల

కొత్తగూడెం క్రైం, మే 16: విప్లవాన్ని అణచివేసేందుకే కేంద్ర, రాష్ట్ర ప్రభుత్వాలు ఆపరేషన్‌ ‘కగార్‌’ను చేపట్టాయని, ఇటీవల జరుగుతున్న ఎన్‌కౌంటర్లన్నీ బూటకపు ఎన్‌కౌంటర్లేనని మావోయిస్టు పార్టీ భద్రాద్రి కొత్తగూడెం-అల్లూరి సీతారామరాజు(బీకే-ఏఎస్‌ఆర్‌) డివిజన్‌ కార్యదర్శి ఆజాద్‌ పేరుతో గురువారం ఓ లేఖను విడుదల చేశారు. ఇందులో భాగంగానే గ్రామాలపై దాడులు, మహిళలపై అత్యాచారాలు చేస్తూ బూటకపు ఎన్‌కౌంటర్లను నిజమైన ఎన్‌కౌంటర్లుగా చిత్రీకరించడం వంటి చర్యలకు పాల్పడుతున్నాయని విమర్శించారు.

మూడున్నర నెలల కాలంలో భద్రతా బలగాలు 103 మందిని పొట్టనబెట్టుకున్నాయని, వారిలో 60 మంది ఆదివాసీ మహిళలు, పిల్లలు, వృద్ధులు ఉన్నట్టు పేర్కొ న్నారు. 2024 చివరి నాటికి మావోయిస్టు పార్టీని మ ట్టుబెడతామని హోం మంత్రి అమిత్‌ షా కొన్ని నెలల క్రితమే ప్రతినబూనారని గుర్తుచేశారు. బీజేపీ ప్రభుత్వం తొమ్మిదేండ్లుగా దేశాన్ని శాసిస్తూ.. కోర్టులు, జైళ్లు, సెబీ వంటి సంస్థలు, ఉపా వంటి చట్టాలను తీసుకొచ్చి హక్కుల కోసం ఉద్యమించే ప్రజలను, విప్లవోద్యమ పోరాటాలను అణచివేస్తున్నదని లేఖలో పేర్కొన్నారు.