Airport Metro | ఎయిర్‌పోర్టు మెట్రో టెండ‌ర్ల‌కు నోటిఫికేష‌న్.. బిడ్డింగ్‌కు చివ‌రి తేదీ జులై 5

Airport Metro | ఎయిర్‌పోర్టు మెట్రో నిర్మాణానికి హైద‌రాబాద్ ఎయిర్‌పోర్ట్ మెట్రో రైల్ లిమిటెడ్ టెండ‌ర్లు పిలిచింది. రేప‌ట్నుంచి బిడ్డింగ్ ప‌త్రాల‌ను హెచ్ఏఎంఆర్ఎల్ జారీ చేయ‌నుంది. ఎయిర్‌పోర్టు మెట్రో బిడ్డింగ్‌కు చివ‌రి తేదీ జులై 5.

Airport Metro | తెలంగాణ ప్రభుత్వం ఎంతో ప్రతిష్టాత్మకంగా రాయదుర్గం – శంషాబాద్‌ ఎయిర్‌పోర్టు మెట్రో ఎక్స్‌ప్రెస్‌ వే ప్రాజెక్టును చేపట్టిన సంగ‌తి తెలిసిందే. దీనికి సంబంధించిన పనులు ముమ్మరంగా జరుగుతున్నాయి. సీఎం కేసీఆర్‌ ఎంతో దూరదృష్టితో నగర వాసులు మెట్రో రైలు ద్వారా విమానాశ్రయానికి అత్యంత వేగంగా చేరుకునేలా మొదటి దశ మెట్రోను అనుసంధానం చేస్తూ ఎయిర్‌పోర్టు మెట్రో ఎక్స్‌ప్రెస్‌ మార్గాన్ని నిర్మిస్తున్నారు.

ఈ క్ర‌మంలో ఎయిర్‌పోర్టు మెట్రో నిర్మాణానికి హైద‌రాబాద్ ఎయిర్‌పోర్ట్ మెట్రో రైల్ లిమిటెడ్ టెండ‌ర్లు పిలిచింది. రేప‌ట్నుంచి బిడ్డింగ్ ప‌త్రాల‌ను హెచ్ఏఎంఆర్ఎల్ జారీ చేయ‌నుంది. ఎయిర్‌పోర్టు మెట్రో బిడ్డింగ్‌కు చివ‌రి తేదీ జులై 5. మెట్రో కాంట్రాక్ట్ విలువ రూ. 5,688 కోట్లుగా నిర్ధారించింది.

మైండ్ స్పేస్ నుంచి శంషాబాద్ ఎయిర్‌పోర్టు వ‌ర‌కు 31 కిలోమీట‌ర్ల మేర మెట్రో లైన్ నిర్మించ‌నున్నారు. ఈ ఎయిర్‌పోర్టు ఎక్స్‌ప్రెస్ మెట్రోకు చాలా ప్ర‌త్యేక‌త‌లు ఉన్నాయి. ఆ ప్ర‌త్యేక‌త‌లు ఏంటో చూద్దాం..

ఎయిర్‌ పోర్టు మెట్రో విశేషాలు..

-రాయదుర్గం మెట్రో స్టేషన్‌ నుంచి 0.9కిలో మీటర్ల దూరంలో ఎయిర్‌పోర్టు టెర్మినల్‌ నిర్మాణం
-ఎయిర్‌పోర్టు మెట్రో స్టేషన్లుక్లోజ్డ్‌ సర్క్యూట్‌తో ఉంటాయి.
-శంషాబాద్‌ ఎయిర్‌పోర్టులో కార్గో లైన్‌, ప్యాసింజర్‌ లైన్‌ వేర్వేరుగా రెండు స్టేషన్లు
-ఆరు బోగీలు నిలిపేలా మెట్రోస్టేషన్‌ నిర్మాణం, తొలి దశలో మూడు బోగీలు మాత్రమే

ఎయిర్‌పోర్టు మెట్రో కారిడార్‌ హైలెట్స్‌

-పొడవు:31 కిలోమీటర్లు (మొత్తం)
-ఎలివేటెడ్‌ వే: 27.5 కిలోమీటర్లు
-రోడ్‌ వే: 1 కిలోమీటర్‌
-అండర్‌ గ్రౌండ్‌ వే: 2.5 కిలోమీటర్లు
-వేగం: గరిష్ఠంగా 120 కిలోమీటర్లు
-ఫ్రీక్వెన్సీ: 2.5నిమిషాలు (పీక్‌ ఆవర్స్‌)
-సమయం:26 నిమిషాలు
-స్టేషన్లు: 8 లేదా 9 (ప్రతిపాదన ప్రకారం)
-ప్రారంభం: రాయదుర్గం టెర్మినల్‌ (నూతనంగా)
-నిర్మాణ సమయం: 36 నెలలు
-అంచనా వ్యయం: 6250 కోట్లు