Lord Hanuman’s seat | హనుమాన్‌ సీట్లో కూర్చున్న వ్యక్తిపై ప్రభాస్‌ ఫ్యాన్స్‌ దాడి.. హైదరాబాద్‌ భ్రమరాంబ థియేటర్‌లో ఘటన.. వీడియో

Lord Hanuman's seat | రామాయణ ఇతివృత్తంతో ప్రభాస్‌ కథానాయకుడిగా ఓం రౌత్‌ దర్శకత్వంలో రూపొందిన 'ఆదిపురుష్' సినిమా ఇవాళ ప్రపంచవ్యాప్తంగా విడుదలైంది. అయితే ఈ సినిమా విడుదలైన రోజే హైదారాబాద్‌లో ఇద్దరు వ్యక్తులపై దాడులు జరిగాయి.

హైదరాబాద్‌: రామాయణ ఇతివృత్తంతో ప్రభాస్‌ కథానాయకుడిగా ఓం రౌత్‌ దర్శకత్వంలో రూపొందిన ‘ఆదిపురుష్’ సినిమా ఇవాళ ప్రపంచవ్యాప్తంగా విడుదలైంది. అయితే ఈ సినిమా విడుదలైన రోజే హైదారాబాద్‌లో ఇద్దరు వ్యక్తులపై దాడులు జరిగాయి. సినిమా బాగాలేదన్నందుకు ఐమ్యాక్స్‌ థియేటర్లో ఓ వ్యక్తిపైన, హనుమంతుడికి కేటాయించిన సీట్లో కూర్చున్నందుకు భ్రమరాంబ థియేటర్‌లో ఓ వ్యక్తిపైన ప్రభాస్‌ అభిమానులు దాడులకు పాల్పడ్డారు.

‘ఆదిపురుష్‌’ ప్రదర్శితమయ్యే ప్రతి థియేటర్‌లో హనుమంతుడి కోసం ఒక సీటును ఖాళీగా ఉంచాలని కొన్ని రోజుల క్రితం ఆ సినిమా దర్శకుడు ఓం రౌత్‌ థియేటర్‌ల యజమానులకు విజ్ఞప్తి చేశారు. ఆయన విజ్ఞప్తి థియేటర్‌లలో హనుమంతుడి కోసం ఒక్కో సీటును ఖాళీగా విడిచిపెడుతున్నారు. ఆ సీటుపై కాషాయం వస్త్రం కప్పి, సీట్లో పూలు, పండ్లు పెట్టి ఉంచుతున్నారు. ఈ క్రమంలోనే బ్రమరాంబ థియేటర్‌లో కూడా హనుమంతుడి కోసం ఒక సీటును విడిచిపెట్టారు.

అయితే, సినిమా చూసేందుకు వచ్చిన ఒక వ్యక్తి ఆ సీట్లో కూర్చోవడం గొడవకు దారితీసింది. ప్రభాస్‌ అభిమానులు కొందరు వచ్చి అతడితో గొడవకు దిగారు. అతనిపై దాడికి పాల్పడ్డారు. ఈ ఘటనకు సంబంధించిన దృశ్యాలను కార్తీక్‌ నాగ అనే వ్యక్తి వీడియో తీసిన ట్విటర్‌లో పోస్టు చేయడంతో వైరల్‌గా మారింది. ఈ ఘటన సందర్భంగా బూతు పదజాలం వినియోగించినందున వీడియోను మ్యూట్‌ చేసి ట్విటర్‌లో పెట్టారు.

A person was attacked by Prabhas fans for sitting in a seat allocated to Lord Hanuman in Bramarambha theatre Hyderabad in the early hours of this morning. (Audio muted due to abusive words)#Prabhas #PrabhasFans #Adipurush #AdipurushReview pic.twitter.com/2dkUhQFNVi

— Kartheek Naaga (@kartheeknaaga) June 16, 2023