హైదరాబాద్, ఏప్రిల్ 1 (నమస్తే తెలంగాణ): బీటెక్ రెండో సెమిస్టర్ అకడమిక్ క్యాలెండర్ను జేఎన్టీయూ శనివారం విడుదల చేసింది. 10 నుంచి తరగతులు ప్రారంభంకానుండగా, జూన్ 17 వరకు 10 వారాల పాటు మొదటి విడత, జూన్ 26 నుంచి ఆగస్టు 19 వరకు రెండో విడత క్లాసులు కొనసాగుతాయని రిజిస్ట్రార్ ప్రొఫెసర్ మంజూర్ హుస్సేన్ తెలిపారు. మే 15 నుంచి 27 వరకు వేసవి సెలవులు, జూన్ 19 నుంచి 24 వరకు మొదటి మిడ్ టర్మ్ ఎగ్జామ్స్, సెప్టెంబర్ 4 నుంచి 16 వరకు ఎండ్ సెమిస్టర్ ఎగ్జామ్స్ నిర్వహిస్తామని చెప్పారు.