JL Exams |హైదరాబాద్, మే 23 (నమస్తే తెలంగాణ) : రాష్ట్రంలోని 1,392 జూనియర్ లెక్చరర్ల నియామక పరీక్షలను సెప్టెంబర్ 12 నుంచి అక్టోబర్ 3 వరకు నిర్వహించనున్నట్టు టీఎస్పీఎస్సీ తెలిపింది. ఉదయం 10 గంటల నుంచి మధ్యాహ్నం 12.30 గంటల వరకు పేపర్1, మధ్యాహ్నం 2.30 గంటల నుంచి సాయంత్రం 5 గంటల వరకు పేపర్2 పరీక్ష ఉంటుందని వెల్లడించింది. పరీక్షలన్నీ సీబీఆర్టీ పద్ధతిలో జరుగుతాయని పేర్కొన్నది. పరీక్షకు వారం ముందే https:// www.tspsc. gov.inలో హాల్టికెట్లను అందుబాటులో ఉంచుతామని తెలిపింది.
షెడ్యూల్ ఇలా..
సెప్టెంబర్ 12న ఉదయం జనరల్ స్టడీస్ అండ్ జనరల్ ఎబిలిటీస్, మధ్యాహ్నం ఇంగ్లిష్ పరీక్ష, 13న ఉదయం జనరల్ స్టడీస్ అండ్ జనరల్ ఎబిలిటీస్, మధ్యాహ్నం బాటనీ, ఎకనమిక్స్, 14న ఉదయం జనరల్ స్టడీస్ అండ్ జనరల్ ఎబిలిటీస్, మధ్యాహ్నం మ్యాథ్స్, 20న ఉదయం జనరల్ స్టడీస్ అండ్ జనరల్ ఎబిలిటీస్, మధ్యాహ్నం కెమిస్ట్రీ, 21న ఉద యం జనరల్ స్టడీస్ అండ్ జనరల్ ఎబిలిటీస్, మధ్యాహ్నం తెలుగు, 22న ఉదయం జనరల్ స్టడీస్ అండ్ జనరల్ ఎబిలిటీస్, మధ్యాహ్నం ఫిజిక్స్, 25న ఉదయం జనరల్ స్టడీస్ అండ్ జనరల్ ఎబిలిటీస్, మధ్యాహ్నం కామర్స్, 26న ఉదయం జనరల్ స్టడీస్ అండ్ జనరల్ ఎబిలిటీస్, మధ్యాహ్నం సివిక్స్, 27న ఉద యం జనరల్ స్టడీస్ అండ్ జనరల్ ఎబిలిటీస్, మధ్యాహ్నం హిందీ, 29న ఉదయం జ నరల్ స్టడీస్ అండ్ జనరల్ ఎబిలిటీస్, మధ్యాహ్నం హిస్టరీ, సంస్కృతం, అక్టోబర్ 3న ఉదయం జనరల్ స్టడీస్ అండ్ జనరల్ ఎబిలిటీస్, మధ్యాహ్నం ఉర్దూ పరీక్షలు జరుగుతాయని టీఎస్పీఎస్సీ వెల్లడించింది. రాష్ట్రంలో 1,392 జూనియర్ లెక్చరర్ల భర్తీకి నిరుడు డిసెంబర్ 9న టీఎస్పీఎస్సీ నోటిఫికేషన్ ఇచ్చింది.
ఆగస్టు 8న అకౌంట్స్ ఆఫీసర్ పరీక్ష
రాష్ట్రంలోని మున్సిపల్ అడ్మినిస్ట్రేషన్ అండ్ అర్బన్ డెవలప్మెంట్ డిపార్ట్మెంట్లో అకౌంట్స్ ఆఫీసర్, జూనియర్ అకౌంట్స్ ఆఫీసర్, సీనియర్ అకౌంట్స్ ఆఫీసర్(యూఎల్బీ) నియామక పరీక్షను ఆగస్టు 8న నిర్వహించనున్నట్టు టీఎస్పీఎస్సీ తెలిపింది.