ఉపకార వేతనాలకు దరఖాస్తుల ఆహ్వానం

2026-27కు బీడీ, గని, సినీ కార్మికుల పిల్లలకు వివిధ ఉపకార వేతనాల కోసం దరఖాస్తులు ఆహ్వానిస్తున్నట్టు కేంద్ర కార్మిక, ఉపాధి కల్పనశాఖ కమిషనర్‌ సోమవారం ఒక ప్రకటన విడుదల చేశారు.

హైదరాబాద్‌, జూన్‌ 15(నమస్తే తెలంగాణ): 2026-27కు బీడీ, గని, సినీ కార్మికుల పిల్లలకు వివిధ ఉపకార వేతనాల కోసం దరఖాస్తులు ఆహ్వానిస్తున్నట్టు కేంద్ర కార్మిక, ఉపాధి కల్పనశాఖ కమిషనర్‌ సోమవారం ఒక ప్రకటన విడుదల చేశారు. తెలంగాణ, ఏపీలోని ప్రభుత్వ, ప్రభుత్వ గుర్తింపు పొందిన పాఠశాలలు, కళాశాలల్లో చదువుతున్న పిల్లలకు ఈ ఉపకార వేతనాలు అందించనున్నట్టు తెలిపారు. ప్రీ మెట్రిక్‌ విద్యార్థులు ఆగస్టు 31, పోస్ట్‌ మెట్రిక్‌ విద్యార్థులు అక్టోబర్‌ 31లోపు దరఖాస్తు చేసుకోవాలని సూచించారు. హెల్ప్‌డెస్‌ కోసం 0120-6619540, helpdesk@nsp.gov.in ఈమెయిల్‌ను సంప్రదించవచ్చన్నారు.