Jurala | జూరాలకు ప్రాజెక్టు కొనసాగుతున్న ఇన్‌ఫ్లో.. 8.949 టీఎంసీలకు చేరిన నీటి నిల్వ

ప్రియదర్శిని జూరాల ప్రాజెక్టుకు ఎగువ ప్రాంతాల నుంచి నీటి ప్రవాహం కొనసాగు తోంది.

జోగులాంబ గద్వాల : ప్రియదర్శిని జూరాల ప్రాజెక్టుకు ఎగువ ప్రాంతాల నుంచి నీటి ప్రవాహం కొనసాగు తోంది. మంగళవారం ఉదయం 6 గంటల సమయానికి ప్రాజెక్టు పూర్తి స్థాయి నీటిమట్టానికి సమీపంలో ఉంది. ప్రస్తుత నీటిమట్టం 318.17 మీటర్లు కాగా, పూర్తి స్థాయి నీటిమట్టం (FRL) 318.516 మీటర్లుగా ఉంది.

ప్రాజెక్టులోకి ప్రస్తుతం 1,500 క్యూసెక్కుల ఇన్‌ఫ్లో కొనసాగుతోంది. ప్రాజెక్టులో 8.949 టీఎంసీల నీటి నిల్వ ఉంది. ఇది గరిష్ఠ నిల్వ సామర్థ్యం 9.657 టీఎంసీలలో 92.66 శాతం. ప్రస్తుతం నదిలోకి ఔట్‌ఫ్లో లేదు. స్పిల్‌వే ద్వారా, పవర్‌హౌస్‌ ద్వారా కూడా నీటి విడుదల నిలిచిపోయింది. ప్రాజెక్టు వద్ద నీటి నిల్వ గరిష్ఠ స్థాయికి చేరువలో ఉండటంతో అధికారుల పర్యవేక్షణ కొనసాగుతోంది.