Heavy Rains | రాష్ట్రంలో నేడు, రేపు అతి భారీ వర్షాలు.. ప‌లు జిల్లాల‌కు ఎల్లో అల‌ర్ట్‌ జారీ

రాష్ట్రంలోని ప‌లు జిల్లాల్లో సోమ, మంగళవారాల్లో భారీ నుంచి అతి భారీ వర్షాలు (Heavy Rains) కురిసే అవకాశం ఉందని వాతావరణ శాఖ (IMD) తెలిపింది.

Heavy Rains | రాష్ట్రంలోని ప‌లు జిల్లాల్లో సోమ, మంగళవారాల్లో భారీ నుంచి అతి భారీ వర్షాలు (Heavy Rains) కురిసే అవకాశం ఉందని వాతావరణ శాఖ (IMD) తెలిపింది. ఆదిలాబాద్, ఆసిఫాబాద్, మంచిర్యాల, కరీంనగర్, పెద్దపల్లి, భూపాలపల్లి, మహబూబాబాద్, వరంగల్, హనుమకొండ, మెదక్, కామారెడ్డి, నాగర్‌కర్నూల్‌ జిల్లాల్లో కొన్ని చోట్ల అతి భారీ వర్షాలు కురుస్తాయ‌ని వెల్ల‌డించింది.

నిర్మల్, నిజామాబాద్, జగిత్యాల, రాజన్న సిరిసిల్ల, ములుగు, భద్రాద్రి కొత్తగూడెం, ఖమ్మం, జనగామ, సిద్దిపేట, యాదాద్రి, రంగారెడ్డి, హైదరాబాద్, మేడ్చల్‌, వికారాబాద్, సంగారెడ్డి, మహబూబ్‌నగర్, వనపర్తి జిల్లాల్లో అక్కడక్కడ భారీ వర్షాలు పడుతాయ‌ని పేర్కొంది. ఈ మేర‌కు కొన్ని జిల్లాలకు ఎల్లో అల‌ర్ట్ (Yellow alert) జారీచేసింది. ఇక బుధ, గురువారాల్లో కూడా అక్క‌డ‌క్క‌డ‌ భారీ వర్షాలు కురిసే అవకాశం ఉంద‌ని తెలిపింది.