ఆఫ్లోటాక్సిన్లతో పల్లీలు విషపూరితం

ఆఫ్లోటాక్సిన్లతో పల్లీలు విషపూరితం అవుతున్నాయని ఇక్రిసాట్‌ పరిశోధకులు చెప్పా రు. ఈ ఆఫ్లోటాక్సిన్ల వల్ల ఆరోగ్యం దెబ్బతింటుందని, ముఖ్యం గా చిన్నారుల్లో లివర్‌ క్యాన్సర్‌కు అవకాశాలు ఎక్కువగా ఉన్నాయని తెలిపారు. దీనిని నియంత్రించడానికి ప్రత్యేక దృష్టిసారించినట్టు వెల్లడించారు.

• వేరుశనగ సాగు దశలోనే నియంత్రించేలా దృష్టి: ఇక్రిసాట్‌

హైదరాబాద్‌ సిటీబ్యూరో, జూన్‌ 8 (నమస్తే తెలంగాణ): ఆఫ్లోటాక్సిన్లతో పల్లీలు విషపూరితం అవుతున్నాయని ఇక్రిసాట్‌ పరిశోధకులు చెప్పా రు. ఈ ఆఫ్లోటాక్సిన్ల వల్ల ఆరోగ్యం దెబ్బతింటుందని, ముఖ్యం గా చిన్నారుల్లో లివర్‌ క్యాన్సర్‌కు అవకాశాలు ఎక్కువగా ఉన్నాయని తెలిపారు. దీనిని నియంత్రించడానికి ప్రత్యేక దృష్టిసారించినట్టు వెల్లడించారు. వేరుశనగ సాగు దశలోనే నియంత్రించడానికి పరిశోధనలు చేస్తున్నట్టు పేర్కొన్నారు. ముఖ్యంగా గింజల్లో ఉండే ఆఫ్లోటాక్సిన్ల పరిమాణాన్ని గుర్తించేందుకు సెలీసా డిటెక్షన్‌ కిట్‌ను డెవలప్‌ చేసినట్టు చెప్పారు. ప్రస్తుతం దీన్ని నైజీరియా, మాలి, నైజర్‌ దేశాల్లో ప్రయోగాత్మకంగా వినియోగిస్తున్నామని ఇక్రిసాట్‌ పరిశోధకులు వెల్లడించారు. అదే విధంగా రైతులకు అవగాహన కల్పించేలా స్టడీ టూల్‌కిట్‌ను రూపొందించామన్నారు.