Visit:
SSC Hall Tickets | తెలంగాణ సెకండరీ స్కూల్ ఎడ్యుకేషన్ పదో తరగతి పరీక్షల హాల్ టికెట్లను గురువారం విడుదల చేసింది. ఈసారి కొత్తగా 8096958096 నంబర్కు మెసేజ్ చేయడం ద్వారా హాల్ టికెట్లను డౌన్లోడ్ చేసుకునే సదుపాయం కల్పించింది.
మార్చి 14 నుంచి ఎస్సెస్సీ పరీక్షలు ప్రారంభం కానున్నాయి. ఉదయం 9.30 గంటల నుంచి 12.45 గంటల వరకు పరీక్షలు నిర్వహిస్తారు. విద్యార్థులు bse.telangana.gov.in వెబ్సైట్ ద్వారా హాల్టికెట్లు పొందవచ్చని బోర్డు అధికారులు తెలిపారు. సమస్యలు ఉంటే 040- 23230942 ఫోన్ నంబర్లో సంప్రదించాలని సూచించారు.
నిరుడు నవంబర్లో ప్రారంభించిన మీసేవ వాట్సాప్ సేవలకు విశేష స్పం దన లభిస్తున్నదని, గడచిన మూడు నెలల్లో 8 లక్షలకుపైగా లావాదేవీలు నమోదైనట్టు అధికారులు తెలిపారు. తాజాగా విద్యార్థులు టెన్త్ హాల్ టికెట్లు పొందే సేవలు కూడా అందుబాటులో ఉన్నట్టు, మొదటిరోజే 30 వేలమంది విద్యార్థులు తమ హాల్ టికెట్లను డౌన్లోడ్ చేసుకున్నారని పేర్కొన్నారు. మీ-సేవ వాట్సాప్ సేవల్లో ప్రధానంగా జనన, ఆదాయ ధ్రువీకరణ, వెహికల్ చలాన్, విద్యుత్తు బిల్లు చెల్లింపులు తదితర సేవలకు మంచి స్పందన వస్తుందని తెలిపారు. వాట్సాప్ నంబర్ 8096958096 ద్వారా టెన్త్ విద్యార్ధులు తమ వివరాలు అందించి సులభంగా హాల్ టికెట్ పొందవచ్చని పేర్కొన్నారు.
