Public Voice | దొందూ దొందే!.. కోమటిరెడ్డి, రేవంత్‌రెడ్డిపై ఓటర్ల ఒపీనియన్‌ ఇదీ!

Public Voice | అవును మీరు మీరు ఒకటే. 18 వేల కోట్ల కాంట్రాక్టు తీసుకొని పార్టీ మారిన కోమటిరెడ్డి రాజ్‌గోపాల్‌ రెడ్డి, కోట్లు తీసుకొని సీట్లు ఇస్తున్న రేవంత్‌రెడ్డి ఒక్కటేనని ప్రజలూ అనుకుంటున్నరు.

Public Voice |  ఓటరు: పార్టీ ఎందుకు మారారు?
రాజగోపాల్‌రెడ్డి: కేసీఆర్‌ను గద్దె దించడానికి. కాంగ్రెస్‌ వల్లే అది సాధ్యం.

ఓటరు:అప్పట్లో బీజేపీలో చేరేటప్పుడు బీజేపీ వల్లే సాధ్యం అన్నట్టున్నారు.
రాజగోపాల్‌రెడ్డి: తెలంగాణలో ఇప్పుడు బీజేపీ పడిపోయింది.

ఓటరు:ఇప్పుడు మీరు కాంగ్రెస్‌ను పడగొడుతారా? అయినా మీరు చేరాకే కమలం వాడిపోయినట్టుంది.
రాజగోపాల్‌రెడ్డి:  ఆ.. అది!

ఓటరు:బీజేపీని ఎందుకు వీడినట్టో?
రాజగోపాల్‌రెడ్డి: అవినీతిపై చర్యలు తీసుకోలే. అందుకే.

ఓటరు: ఎవరి అవినీతిపై? ఓటుకు నోటు రేవంత్‌పైనా? బీజేపీలో చేరేటప్పుడు మీరు తీసుకున్నారే.. 18 వేల కోట్ల కాంట్రాక్టు. దానిపైనా? లేదా ఈమధ్య రేవంత్‌ పుచ్చుకుంటున్న నోటుకు సీటుపైనా?
రాజగోపాల్‌రెడ్డి:  ఆ.. అది.. అది!

ఓటరు:అప్పట్లో మీరు, రేవంత్‌ పొట్టుపొట్టు తిట్టుకున్నరు కదా?
రాజగోపాల్‌రెడ్డి: నేనూ రేవంత్‌ ఏమైనా పాలోళ్లమా? పగోళ్లమా? మాకు గట్టు పంచాయితీలు ఉన్నయా? అయినా ఈరోజు పీసీసీ పదవిలో రేవంత్‌ ఉన్నడు. రేపు ఇంకొకళ్లు ఉంటరు.

ఓటరు: రేవంత్‌ను దించేస్తానని ఇన్‌డైరెక్ట్‌గా చెబుతున్నారా? కోట్లు ఇచ్చి రేవంత్‌ పీసీసీ పదవి తెచ్చుకున్నడని విమర్శించారు. ఇంతకీ మునుగోడు సీటు కోసం మీరెంత ఇచ్చారు?
రాజగోపాల్‌రెడ్డి: అటువంటిదేం లేదు. మేం మేం ఒకటే.

ఓటరు: అవును మీరు మీరు ఒకటే. 18 వేల కోట్ల కాంట్రాక్టు తీసుకొని పార్టీ మారిన కోమటిరెడ్డి రాజ్‌గోపాల్‌ రెడ్డి, కోట్లు తీసుకొని సీట్లు ఇస్తున్న రేవంత్‌రెడ్డి ఒక్కటేనని ప్రజలూ అనుకుంటున్నరు.

-మాలోతు సురేష్‌