ఎన్ని కేసులు పెట్టినా భయపడం

కాంగ్రెస్‌ సర్కార్‌ ఎన్ని కేసులు పెట్టినా భయపడేది లేదని ఆదిలాబాద్‌ జిల్లా ఇచ్చోడ మండలం ముక్రా(కే) మాజీ సర్పంచ్‌ మీనాక్షి స్పష్టంచేశారు. ఆదివారం ముక్రా(కే) మాజీ సర్పంచ్‌, మాజీ ఎంపీటీసీ సుభాష్‌ను పోలీసులు స్టేషన్‌కు తీసుకెళ్లి స్టేషన్‌ బెయిల్‌ ఇచ్చారు.

• కాంగ్రెస్‌ హామీల అమలుపై ప్రశ్నించినందుకే కేసులు
• గ్యారెంటీల అమలు చేయాలి
• ఆదిలాబాద్‌ జిల్లా ముక్రా(కే) మాజీ సర్పంచ్‌ మీనాక్షి

ఇచ్చోడ, అక్టోబర్‌ 18 : కాంగ్రెస్‌ సర్కార్‌ ఎన్ని కేసులు పెట్టినా భయపడేది లేదని ఆదిలాబాద్‌ జిల్లా ఇచ్చోడ మండలం ముక్రా(కే) మాజీ సర్పంచ్‌ మీనాక్షి స్పష్టంచేశారు. ఆదివారం ముక్రా(కే) మాజీ సర్పంచ్‌, మాజీ ఎంపీటీసీ సుభాష్‌ను పోలీసులు స్టేషన్‌కు తీసుకెళ్లి స్టేషన్‌ బెయిల్‌ ఇచ్చారు. ఈ సందర్భంగా వారు మాట్లాడుతూ.. రేవంత్‌రెడ్డి ప్రభుత్వం 420 హామీలు అమలు చేస్తానని చెప్పి అధికారంలోకి వచ్చి మూడేండ్లు అవుతున్నా హామీలు అమలు చేయకుండా ప్రజలను మోసం చేస్తున్నదని మండిపడ్డారు. హామీలు అమలు చేయండి అని ప్రభుత్వాన్ని ప్రశ్నిస్తే అరెస్ట్‌ చేస్తున్నారని ఆరోపించారు. రేవంత్‌రెడ్డి కక్ష పూరితంగా ఎన్ని కేసులు పెట్టినా భయపడేది లేదని చెప్పారు. ప్రజలకు ఇచ్చిన హామీలు అమలు చేసేవరకు సరార్‌ను ప్రశ్నిస్తూనే ఉంటామని తెలిపారు.