అటవీశాఖ బీట్‌ కానిస్టేబుల్‌కు రిమాండ్‌

టీఎస్‌పీఎస్సీ ప్రశ్నపత్రాల లీకేజీ కేసు లో 96వ నిందితుడిగా నల్లగొండ జిల్లా దేవరకొండ అటవీశాఖ బీట్‌ కానిస్టేబుల్‌ గుగులోతు పాపారావు నాయక్‌ను నాంపల్లిలోని 12వ అదనపు చీఫ్‌ మెట్రోపాలిటన్‌ మెజిస్ట్రేట్‌ కోర్టు ఎదుట మంగళవారం సిట్‌ అధికారులు హాజరుపర్చారు.

• టీఎస్‌పీఎస్సీ కేసులో మరో అరెస్టు
• ప్రవీణ్‌ బెయిల్‌ వాదనలు వాయిదా

నాంపల్లి కోర్టులు, ఆగస్టు 1 (నమస్తే తెలంగాణ): టీఎస్‌పీఎస్సీ ప్రశ్నపత్రాల లీకేజీ కేసు లో 96వ నిందితుడిగా నల్లగొండ జిల్లా దేవరకొండ అటవీశాఖ బీట్‌ కానిస్టేబుల్‌ గుగులోతు పాపారావు నాయక్‌ను నాంపల్లిలోని 12వ అదనపు చీఫ్‌ మెట్రోపాలిటన్‌ మెజిస్ట్రేట్‌ కోర్టు ఎదుట మంగళవారం సిట్‌ అధికారులు హాజరుపర్చారు. మెజిస్ట్రేట్‌ జీ ఈశ్వరయ్య 15 వరకు జ్యుడీషియల్‌ కస్టడీ విధిస్తూ ఉత్తర్వులు జారీచేశారు. సిట్‌ అధికారులు నిందితుడిని చంచల్‌గూడ జైలుకు తరలించారు. పోల రమేశ్‌ (ఏఈ) పరిచయంతో రూ.15 లక్షలకు ప్రశ్నపత్రాన్ని ఇచ్చేలా నిందితుడు ఒప్పందం చేసుకున్నాడు. ఉద్యోగం వచ్చాక పూర్తి డబ్బు ఇచ్చేందుకు ఒప్పుకొన్నాడు.