Kamareddy | కామారెడ్డి జిల్లా జిల్లాలో విషాదం.. కుంట‌లో ప‌డి తండ్రి, కూతురు మృతి

కామారెడ్డి జిల్లా జిల్లాలో విషాదం చోటు చేసుకుంది. ప్రమాదవశాత్తు కుంటలో పడి తండ్రి, కూతురు మృతి చెందారు.

కామారెడ్డి : కామారెడ్డి జిల్లా జిల్లాలో విషాదం చోటు చేసుకుంది. ప్రమాదవశాత్తు కుంటలో పడి తండ్రి, కూతురు మృతి చెందారు. వివ‌రాల్లోకి వెళ్తే.. కామారెడ్డి మండలం లింగాయపల్లి గ్రామంలోని గోరిగోని కుంటలో ప్రమాదవశాత్తు పడి అదే గ్రామానికి చెందిన సోమిశెట్టి రజిత (35), కామారెడ్డి మున్సిపాలిటీ పరిధిలోని టేక్రియాల్ కు చెందిన సుంకరి పెద్ద నర్సింలు (65) లు మృతి చెందారు.

మృతురాలు రజిత భర్త అనారోగ్యంతో ఉండడంతో తండ్రి పెద్ద నర్సింలు కూతురు వద్దకు వచ్చాడు. నిన్న సాయంత్రం సమయంలో కుంట వద్దకు వెళ్లి ప్రమాదవశాత్తు కుంటలో పడి తండ్రి, కూతురు మృతి చెందారు. మృతురాలికి భర్త, ఒక కూతురు, కుమారుడు ఉన్నారు. సంఘ‌ట‌న స్థ‌లానికి చేరుకున్న పోలీసులు కేసు న‌మోదు చేసుకొని ద‌ర్యాప్తు చేప‌ట్టారు. పూర్తి వివ‌రాలు తెలియాల్సి ఉంది.