లిక్కర్‌ హోం డెలివరీ కావాలి.. హైదరాబాదీల అభిప్రాయమిదీ..

liquor home delivery | ఇప్పుడు ఏ వస్తువు కొనాలన్నీ ఆన్‌లైన్‌లో ఆర్డరివ్వటం.. అది ఇంటికే డెలివరీ కావటం సాధారణమైపోయింది. సాధారణ వస్తువుల మాదిరిగానే మద్యాన్ని కూడా హోం డెలివరీ చేయాలనే డిమాండ్‌ తాజాగా పెరుగుతున్నది. కొవిడ్‌ నేపథ్యంలో ఇది మరింత జోరందుకున్నది. ఇప్పటికే మేఘాలయ, పంజాబ్‌, పుదుచ్చేరి, న్యూఢిల్లీ, అస్సాం, పశ్చిమబెంగాల్‌, మహారాష్ట్ర, ఒడిశాలో మద్యం హోం డెలివరీ చేస్తున్నారు. మరికొన్ని రాష్ర్టాలు ఆ దిశగా అడుగులేస్తున్నాయి. మద్యం హోం డెలివరీపై ప్రజల అభిప్రాయాలు తెలుసుకొనేందుకు ఇంటర్నేషనల్‌ స్పిరిట్‌ అండ్‌ వైన్స్‌ అసోసియేషన్‌ ఆఫ్‌ ఇండియా (ఐఎస్‌డబ్ల్యూఏఐ) ఇటీవల 8 రాష్ర్టాల్లో సర్వే నిర్వహించింది. తెలంగాణలో హైదరాబాద్‌తోపాటు ఆదిలాబాద్‌, వరంగల్‌, నిజామాబాద్‌, కరీంనగర్‌, నల్లగొండ పట్టణాల్లో 7,500 మందితో మాట్లాడి అభిప్రాయాలను సేకరించింది. అందుకు సంబంధించిన నివేదికను ‘కన్జ్యూమర్‌ పల్స్‌ ఆన్‌ హోం డెలివరీ ఆఫ్‌ లిక్కర్‌’ పేరిట ఇటీవల విడుదల చేసింది.

సర్వే ముఖ్యాంశాలు ఇవీ..

అంశం	సానుకూల స్పందన (శాతం)
హోం డెలివరీ వల్ల మద్యం ధరల్లో పారదర్శకత వస్తుంది	100
నాణ్యమైన మద్యం లభిస్తుంది	63
ప్రస్తుత ఈ కామర్స్‌ యాప్‌ల ద్వారానే హోండెలివరీ ఉండాలి	60
కల్తీని అరికట్టవచ్చు	37
సౌలభ్యం కోసమే హోండెలివరీ	60
కొవిడ్‌ 19 నేపథ్యంలో భౌతికదూరం పాటించేందుకు	40
హోం డెలివరీపై రూ.50-100 చార్జీ చెల్లించేందుకు సిద్ధం	50
మద్యం విలువలో 5-10 శాతమే చార్జీ చెల్లిస్తాం	50