రేవంత్‌కు సొంతూరులోనే చేదు అనుభవం

ముఖ్యమంత్రి రేవంత్‌రెడ్డికి డిండి ప్రాజెక్టు నిర్వాసితుల నుంచి సొంతూరులోనే చేదు అనుభవం ఎదురైంది. డిండి ప్రాజెక్టు ఎత్తేసి గోకారం, ఎర్రవల్లి నిర్వాసితులను కాపాడాలని కోరుతూ ఓ యువకుడు రేవంత్‌రెడ్డి ఎదురుగా ఫ్ల్లెక్సీని ప్రదర్శించి నిరసన తెలిపిన ఘటన మంగళవారం నాగర్‌కర్నూల్‌ జిల్లా వంగూర్‌ మండలం కొండారెడ్డిపల్లిలో చోటుచేసుకున్నది. దసరా ఉత్సవాల్లో పాల్గొనేందుకు మంగళవారం మధ్యాహ్నం తర్వాత ముఖ్యమంత్రి రేవంత్‌రెడ్డి హెలికాప్టర్‌లో తన సొంత గ్రామమైన కొండారెడ్డిపల్లికి వచ్చారు.

• ‘డిండి’ రద్దు చేయాలని ఫ్లెక్సీతో నిరసన ప్రదర్శన

కల్వకుర్తి, అక్టోబర్‌ 21 : ముఖ్యమంత్రి రేవంత్‌రెడ్డికి డిండి ప్రాజెక్టు నిర్వాసితుల నుంచి సొంతూరులోనే చేదు అనుభవం ఎదురైంది. డిండి ప్రాజెక్టు ఎత్తేసి గోకారం, ఎర్రవల్లి నిర్వాసితులను కాపాడాలని కోరుతూ ఓ యువకుడు రేవంత్‌రెడ్డి ఎదురుగా ఫ్ల్లెక్సీని ప్రదర్శించి నిరసన తెలిపిన ఘటన మంగళవారం నాగర్‌కర్నూల్‌ జిల్లా వంగూర్‌ మండలం కొండారెడ్డిపల్లిలో చోటుచేసుకున్నది. దసరా ఉత్సవాల్లో పాల్గొనేందుకు మంగళవారం మధ్యాహ్నం తర్వాత ముఖ్యమంత్రి రేవంత్‌రెడ్డి హెలికాప్టర్‌లో తన సొంత గ్రామమైన కొండారెడ్డిపల్లికి వచ్చారు.

హెలిప్యాడ్‌ నుంచి తన ఇంటి వరకు వచ్చేందుకు టాప్‌లెస్‌ జీపులో ఎక్కి ర్యాలీగా వస్తున్న క్రమంలో ఓ యువకుడు ర్యాలీలో రేవంత్‌రెడ్డికి ఎదురుగా నిలబడి ఫ్లెక్సీని ప్రదర్శించారు. డిండి ప్రాజెక్టును రద్దు చేయడమే కాకుండా, పాలమూరు-రంగారెడ్డి ఎత్తిపోతల పథకాన్ని వేగంగా పూర్తి చేయాలని, డిండి నిర్వాసితులను ఆదుకోవాలనే డిమాండ్‌తో ఉమ్మడి పాలమూరు జిల్లా వ్యాప్తంగా నిరసనలు కొనసాగుతున్న క్రమంలో.. ఏకంగా ముఖ్యమంత్రి సొంతూరులో రేవంత్‌రెడ్డి ఎదురుగానే ఫ్లెక్సీని ప్రదర్శించి నిరసన తెలుపడం చర్చనీయాంశమైంది.