‘స్పందన స్ఫూర్తి’ ఖాతా లూటీ

రాష్ట్రంలో మరో భారీ సైబర్‌ నేరం వెలుగులోకి వచ్చింది. ప్రముఖ నాన్‌-బ్యాంకింగ్‌ ఫైనాన్షియల్‌ కంపెనీ (ఎన్‌బీఎఫ్‌సీ) స్పందన స్ఫూర్తి ఫైనాన్షియల్‌ లిమిటెడ్‌ కార్పొరేట్‌ బ్యాంకు ఖాతా నుంచి సైబర్‌ నేరగాళ్లు ఏకంగా రూ.7.80 కోట్లకుపైగా కొల్లగొట్టారు.

• రూ.7.80 కోట్లు  దోచుకున్న సైబర్‌ నేరగాళ్లు

హైదరాబాద్‌, నవంబర్‌ 3 (నమస్తే తెలంగాణ) : రాష్ట్రంలో మరో భారీ సైబర్‌ నేరం వెలుగులోకి వచ్చింది. ప్రముఖ నాన్‌-బ్యాంకింగ్‌ ఫైనాన్షియల్‌ కంపెనీ (ఎన్‌బీఎఫ్‌సీ) స్పందన స్ఫూర్తి ఫైనాన్షియల్‌ లిమిటెడ్‌ కార్పొరేట్‌ బ్యాంకు ఖాతా నుంచి సైబర్‌ నేరగాళ్లు ఏకంగా రూ.7.80 కోట్లకుపైగా కొల్లగొట్టారు.

గుర్తుతెలియని వ్యక్తులు ఈ నెల 1న ఉదయం 10.18 నుంచి సాయంత్రం 4.58 గంటల మధ్య మొత్తం 82 లావాదేవీల ద్వారా ఈ సొమ్మును వివిధ బ్యాంకు ఖాతాలకు బదిలీ చేసినట్టు ఆ సంస్థ ప్రతినిధి తెలంగాణ సైబర్‌ సెక్యూరిటీ బ్యూరో (సీఎస్‌బీ)కి ఫిర్యాదు చేశారు. బ్యాంకు ఖాతాకు అనుసంధానమైన ఏపీఐ (అప్లికేషన్‌ ప్రోగ్రామ్‌ ఇంటర్‌ ఫేస్‌)ను కేటుగాళ్లు అనధికారికంగా వినియోగించి ఈ లావాదేవీలు నిర్వహించనట్టు అనుమానిస్తున్నారు.