కొవాగ్జిన్ బూస్టర్డోస్
- ప్రారంభమైన ట్రయల్స్
- మొత్తం 190 మందిపై ప్రయోగాలు
- జీవితాంతం ప్రతిరక్షకాలు ఉత్పత్తి!

హైదరాబాద్, మే 05 (నమస్తే తెలంగాణ): భారత్ బయోటెక్ తన కొవాగ్జిన్ బూస్టర్డోస్ ప్రయోగాలను ప్రారంభించింది. ప్రస్తుతం కరోనా సోకకుండా నిరోధించేందుకు కొవాగ్జిన్ రెండు డోసులను ఇస్తున్నారు. రెండోడోస్ వేసుకున్న రెండువారాల తర్వాత శరీరంలో సంపూర్ణంగా ప్రతిరక్షకాలు ఏర్పడుతున్నాయి. అయితే ఈ ప్రతిరక్షకాలు దాదాపు 9 నెలలు మానవ శరీరంలో ఉంటాయని అంచనా వేస్తున్నారు. అంటే.. కరోనా నుంచి పూర్తిస్థాయిలో రక్షణ పొందాలంటే ఏటా టీకాలు వేసుకోవాల్సి ఉంటుంది. ఇది ఆర్థికంగా భారం అవుతుంది. ఈ నేపథ్యంలో భారత్ బయోటెక్ సంస్థ ‘బూస్టర్ డోస్’ ప్రయోగాలు చేపట్టింది. రెండోడోస్ పూర్తయ్యాక మూడోడోస్ ఇస్తే ఏర్పడే ప్రతిరక్షకాలు జీవితాంతం ఉంటాయని భారత్ బయోటెక్ భావిస్తున్నది.
ఈ నేపథ్యంలో బూస్టర్డోస్ ప్రయోగాలకు అనుమతి ఇవ్వాలంటూ గతనెలలో డ్రగ్స్ కంట్రోలర్ జనరల్ ఆఫ్ ఇండియా (డీసీజీఐ)కి దరఖాస్తు చేసుకోగా తాజాగా అనుమతి ఇచ్చింది. దాంతో 190 మందికి బూస్టర్ డోస్ ఇవ్వనున్నారు. ఇప్పటివరకు ఏడుగురు వాలంటీర్లకు బూస్టర్డోస్ ఇచ్చారు. హైదరాబాద్ సహా ఎనిమిది నగరాల్లో ప్రయోగాలు చేపడుతున్నట్టు భారత్ బయోటెక్వర్గాలు తెలిపాయి. 18-55 ఏండ్ల మధ్యవారికి బూస్టర్ డోస్ ఇవ్వనున్నట్టు పేర్కొన్నాయి. ఈ ప్రయోగం విజయవంతమైతే ప్రజలకు ఎంతో ఉపయోగకరంగా ఉంటుందని వెల్లడించాయి. గతంలో ఫైజర్, మోడర్నా సైతం బూస్టర్ డోస్ ప్రయోగాలు జరిపాయి. అయితే జీవితాంతం ప్రతిరక్షాలు ఉంటాయని నిర్ధారించలేకపోయాయి. ఏటా తప్పనిసరిగా కనీసం ఒక్క డోసైనా తీసుకోవాల్సిందేనని ఈ రెండు సంస్థలు ఇప్పటికే ప్రకటించాయి.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

