Wedma Bojju | ఆ వీడియోలు సోషల్ మీడియాలో పెడితే అంతుచూస్తా : ఖానాపూర్‌ ఎమ్మెల్యే

Wedma Bojju | నన్ను జనాలు అడ్డుకున్న వీడియోలు సోషల్ మీడియాలో పెడితే అంతు చూస్తానని ఖానాపూర్‌ ఎమ్మెల్యే వెడ్మా బొజ్జు పటేల్‌ బెదిరింపులకు దిగారు. సర్పంచ్‌ ఎన్నికల ప్రచారంలో భాగంగా ఊరూరూ తిరుగుతున్న ఆయనను మంచిర్యాల జిల్లా జన్నారం మండలం దేవునిగూడ గ్రామంలో ప్రజలు నిలదీశారు.

Wedma Bojju : నన్ను జనాలు అడ్డుకున్న వీడియోలు సోషల్ మీడియాలో పెడితే అంతు చూస్తానని ఖానాపూర్‌ ఎమ్మెల్యే వెడ్మా బొజ్జు పటేల్‌ బెదిరింపులకు దిగారు. సర్పంచ్‌ ఎన్నికల ప్రచారంలో భాగంగా ఊరూరూ తిరుగుతున్న ఆయనను మంచిర్యాల జిల్లా జన్నారం మండలం దేవునిగూడ గ్రామంలో ప్రజలు నిలదీశారు.

ఎన్నికల సందర్భంగా కాంగ్రెస్‌ పార్టీ ఇచ్చిన హామీలను ఎందుకు నెరవేర్చడం లేదని జనం ప్రశ్నించారు. దాంతో సమాధానం చెప్పలేక ఎమ్మెల్యే ప్రచారాన్ని మధ్యలోనే వదిలేసి వెళ్లారు. గ్రామాల్లో జనం తనను అడ్డుకున్న వీడియోలను సోషల్‌ మీడియాలో పెడితే అంతు చూస్తానని బెదిరించారు. కోపంతో చిందులు వేశారు.

‘మీ గ్రామానికి ఒక్క ఇందిరమ్మ ఇల్లు రాకుండా చేస్తా.. ఏం చేసుకుంటారో చేసుకోండి..’ అని బెదిరింపు ధోరణిలో మాట్లాడారు.

నన్ను జనాలు అడ్డుకున్న వీడియోలు సోషల్ మీడియాలో పెడితే మీ అంతు చూస్తా

మీ గ్రామానికి ఒక్క ఇందిరమ్మ ఇల్లు రాకుండా చేస్తా.. ఏం చేసుకుంటారో చేసుకోండి

హామీల గురించి ఖానాపూర్ కాంగ్రెస్ ఎమ్మెల్యేను నిలదీసిన ప్రజలు

కోపంతో చిందులేసిన వెడ్మ బొజ్జు

సర్పంచ్ ఎన్నికల ప్రచారంలో గ్రామస్తులను… https://t.co/XU51Phlj2r pic.twitter.com/dli0PCHkGd

— Telugu Scribe (@TeluguScribe) December 10, 2025