గిరిజన రైతులపై కాంగ్రెస్‌ నేతల దాడులు

కాంగ్రెస్‌ అధికారంలోకి వచ్చినప్పటి నుం చి ఆ పార్టీ నాయకులు తరచూ దౌర్జన్యాలకు పాల్పడుతున్నారని అందోల్‌ మాజీ ఎమ్మెల్యే క్రాంతికిరణ్‌ ఆరోపించారు.

మెదక్‌, జూలై 23 (నమస్తే తెలంగాణ): కాంగ్రెస్‌ అధికారంలోకి వచ్చినప్పటి నుం చి ఆ పార్టీ నాయకులు తరచూ దౌర్జన్యాలకు పాల్పడుతున్నారని అందోల్‌ మాజీ ఎమ్మెల్యే క్రాంతికిరణ్‌ ఆరోపించారు. సో మవారం మెదక్‌ జిల్లా టేక్మాల్‌ మండలం షాబాద్‌ తండాలో కాంగ్రెస్‌ నాయకుల దాడిలో గాయపడి.. మెదక్‌ జిల్లా దవాఖానలో చికిత్స పొందుతున్న గిరిజన రైతుల ను మంగళవారం ఆయన పరామర్శించా రు. బాధితులతో కలిసి మెదక్‌ జిల్లా ఎస్పీ ఉదయ్‌ కుమార్‌రెడ్డికి ఫిర్యాదు చేశారు.

అనంతరం క్రాంతికిరణ్‌ మాట్లాడుతూ.. మెదక్‌ జిల్లా టేక్మాల్‌ మండలం షాబాద్‌ తండాలోని సర్వేనంబర్‌ 86లో 360 ఎకరాల భూమి ఉందని, అందులో 150 ఎకరాల్లో పట్టాలివ్వగా, మిగతా భూమిని గిరిజనులు సాగుచేసుకుంటున్న రైతులపై సోమవారం కాం గ్రెస్‌ నేతలు దాడి చేసి గాయపర్చారని విమర్శించారు. మెదక్‌ ప్రభుత్వ దవాఖానలో బుజ్జి, యమున, ప్రమీల చికిత్స పొందుతున్నారని తెలిపారు. మంత్రి దామోదర రాజనర్సింహ అండతో కాంగ్రెస్‌ శ్రేణులు రెచ్చిపోతున్నాయని మండిపడ్డారు.