డీఎస్సీ హాల్‌టికెట్‌లో గందరగోళం

రేయింబవళ్లు డీఎస్సీకి సిద్ధమవుతున్న అభ్యర్థుల భవిష్యత్తు ప్రభుత్వ యంత్రాంగం నిర్లక్ష్యంగా కారణంగా ప్రశ్నార్థకంగా మారింది.

• అమ్మాయి హాల్‌టికెట్‌పై అబ్బాయి ఫొటో.. సిగ్నేచర్‌

రామగిరి, జూలై 14: రేయింబవళ్లు డీఎస్సీకి సిద్ధమవుతున్న అభ్యర్థుల భవిష్యత్తు ప్రభుత్వ యంత్రాంగం నిర్లక్ష్యంగా కారణంగా ప్రశ్నార్థకంగా మారింది. నల్లగొండ జిల్లా చిట్యాలకు చెందిన రుద్రారపు భవ్య డీఎస్సీలో స్కూల్‌ అసిస్టెంట్‌ గణితం పోస్టుకు దరఖాస్తు చేసుకున్నది. ఆదివారం హాల్‌టికెట్‌ డౌన్‌లోడ్‌ చేసుకోగా.. ఆమె ఫొటో, సంతకానికి బదులు వేరొక అబ్బాయి ఫొటో, అతడి సిగ్నేచర్‌ వచ్చింది.

అధికారులు స్పందించి తనకు న్యాయం చేయాలని భవ్య ప్రాథేయపడుతున్నది. దీనిపై డీఈవో భిక్షపతిని నమస్తే వివరణ కోరగా.. హాల్‌టికెట్‌లో సమస్యలు ఉంటే రాష్ట్ర విద్యాశాఖకు పంపి సమస్యను పరిష్కరిస్తామని తెలిపారు.