KTR | తెలుగు సాహితీ వినీలాకాశంలో సినారె ఒక ధృవతార : కేటీఆర్

KTR | క‌వి, సాహితీవేత్త‌, సినీ గేయ ర‌చ‌యిత సి నారాయ‌ణ‌రెడ్డి జ‌యంతి సంద‌ర్భంగా బీఆర్ఎస్ వ‌ర్కింగ్ ప్రెసిడెంట్ కేటీఆర్ నివాళుల‌ర్పించారు.

KTR | హైద‌రాబాద్ : క‌వి, సాహితీవేత్త‌, సినీ గేయ ర‌చ‌యిత సి నారాయ‌ణ‌రెడ్డి జ‌యంతి సంద‌ర్భంగా బీఆర్ఎస్ వ‌ర్కింగ్ ప్రెసిడెంట్ కేటీఆర్ నివాళుల‌ర్పించారు. కవితలు, పద్య కావ్యాలు, గేయ కావ్యాలు, గజల్‌లు, వ్యాసాలు, సినిమా పాటలు… రూపం ఏదైనా సినారె కలానికి తిరుగులేదు అని కేటీఆర్ కొనియాడారు.

కవి, సాహితీవేత్త, పరిశోధకుడు, అధ్యాపకుడు, సినీ గేయ రచయిత… పాత్ర ఏదైనా సినారె ప్రతిభకు సాటిలేదు. ప్ర‌పంచ సాహితీ లోకానికి మన తెలంగాణ గడ్డ అందించిన ఆణిముత్యం సింగిరెడ్డి నారాయణ రెడ్డి. తన పాండిత్యంతో తెలుగు భాషాభివృద్ధికి విశేష కృషి చేసిన సినారె.. తెలుగు సాహితీ వినీలాకాశంలో ఒక ధృవతార అని కొనియాడారు.

తన రచనలతో తెలుగు చలనచిత్ర రంగంలో సరికొత్త బాణీని సృష్టించిన సినారె పాటల పూదోట. జ్ఞానపీఠ్ అవార్డుతో పాటు ఎన్నో ప్రతిష్టాత్మక అవార్డులు వారిని వరించినా, రాజ్యసభ ఎంపీతో పాటు ఎన్నో గొప్ప పదవులను వారు అలకరించినా.. ఇవన్నీ సినారె సాహితీ సేవ ముందు దిగదుడుపే. నేడు సింగిరెడ్డి నారాయణ రెడ్డి జయంతి సందర్భంగా వారికి అక్షర నివాళులు అని కేటీఆర్ పేర్కొన్నారు.