Visit:
హైదరాబాద్, సెప్టెంబర్ 22 (నమస్తే తెలంగాణ) : కేంద్ర ఎన్నికల సంఘం నిర్వహిసున్న ‘సర్’ ప్రక్రియ హాస్యాస్పదంగా, అస్తవ్యస్తంగా ఉన్నదని బీఆర్ఎస్ ఎమ్మెల్సీలు ఎల్ రమణ, దాసోజు శ్రవణ్ మండిపడ్డారు. తుది ఓటర్ల జాబితా ఖరారు కాకుండానే గ్రాడ్యుయేట్స్ ఓటర్లు ఓటు నమోదు చేసుకోవాలనడం తీవ్ర గందరగోళానికి దారి తీస్తున్నదని ఆందోళన వ్యక్తంచేశారు. బీఆరే భవన్లో రాష్ట్ర ఎన్నికల ప్రధానాధికారి(సీఈవో) సుదర్శన్రెడ్డిని మంగళవారం ఎమ్మెల్సీలు రమణ, దాసోజు, మాజీ ఎమ్మెల్సీ కర్నె ప్రభాకర్, సుమిత్రానంద్ కలిసి.. ‘సర్’ ప్రక్రియలో నెలకొన్న లోపాలు, గ్రాడ్యుయేట్స్ ఓటర్ల నమోదు గడువు పొడిగింపుపై వినతిపత్రం అందజేశారు.
ఈ సందర్భంగా ఎమ్మెల్సీ దాసోజు మాట్లాడుతూ.. నవంబర్ 6తో ముగియనున్న గ్రాడ్యుయేట్ ఓటర్ల నమోదు గడువును రెండు వారాలపాటు పొడిగించాలని సీఈవోను కోరినట్టు తెలిపారు. ఎల్ రమణ మాట్లాడుతూ.. శాసనమండలి ఎన్నికల నేపథ్యంలో ఓటర్ల జాబితాలో దొర్లిన సాంకేతిక లోపాలను సరిదిద్దాలని డిమాండ్ చేశారు. మాజీ ఎమ్మెల్సీ కర్నె ప్రభాకర్ మాట్లాడుతూ.. అర్హుల పేర్లు ఓటర్ల జాబితాలో ఉండాలనేదే బీఆర్ఎస్ ఉద్దేశమని స్పష్టంచేశారు.
