డీఎస్పీల నియామకాల్లో భారీ గోల్‌ మాల్‌?

తెలంగాణ స్టేట్‌ పోలీస్‌ అకాడమీ (టీజీపీఏ)లో శిక్షణ పొందుతున్న గ్రూప్‌-1 ట్రైనీ డీఎస్పీల ప్రాథమిక పరీక్ష ఫలితాలు తీవ్ర కలకలం రేపుతున్నాయి.

• పోలీస్‌ అకాడమీలో 35శాతం ట్రైనీ డీఎస్పీలు ఫెయిల్‌
• వ్యవస్థాగత వైఫల్యమా లేక అక్రమాల ఫలితమా?
• సిట్టింగ్‌ జడ్జితో విచారణ జరుపాలి: టీజీపీఎస్సీకి బీఆర్‌ఎస్‌ వినతి

హైదరాబాద్‌, నవంబర్‌ 10 (నమస్తే తెలంగాణ): తెలంగాణ స్టేట్‌ పోలీస్‌ అకాడమీ (టీజీపీఏ)లో శిక్షణ పొందుతున్న గ్రూప్‌-1 ట్రైనీ డీఎస్పీల ప్రాథమిక పరీక్ష ఫలితాలు తీవ్ర కలకలం రేపుతున్నాయి. ఎంపికైన మొత్తం 112 మంది ట్రైనీ డీఎస్పీలలో 40 మందికి పైగా (దాదాపు 35 శాతం) ఫెయిల్‌ కావడంపై బీఆర్‌ఎస్‌ తీవ్ర ఆందోళన వ్యక్తంచేసింది. పది నెలల పాటు కఠిన శిక్షణ పొందినప్పటికీ, 10 సబ్జెక్టుల్లో 1,600 మారులకు గాను వీరు కనీ స అర్హత మారులైన 50 శాతాన్ని కూడా సా ధించలేకపోవడంపై బీఆర్‌ఎస్‌ ఎమ్మెల్సీ దాసో జు శ్రవణ్‌ అనుమానం వ్యక్తం చేశారు. టీజీపీఎస్సీ మూల్యాంకన విధానం వీరి నియామకాల్లోనే భారీ గోల్‌మాల్‌ జరిగి ఉండవచ్చని ఆరోపించారు.

అత్యున్నత స్థాయి అధికారి కొలువులకు ఎంపికైన వారు ప్రాథమిక పరీక్షల్లోనే విఫలమవడం వ్యవస్థాగత వైఫల్యమా లేక నియామక కుంభకోణమా అని ప్రశ్నిస్తూ శ్రవణ్‌ నేతృత్వంలో బీఆర్‌ఎస్‌ నాయకులు టీజీపీఎస్సీ చైర్మన్‌ బుర్రా వెంకటేశంను మంగళవారం కలిసి వినతిపత్రం అందజేశారు. ఈ బృందంలో బీఆర్‌ఎస్వీవీ రాష్ట్ర అధ్యక్షుడు గెల్లు శ్రీనివాస్‌ యాదవ్‌, నాయకులు తుంగ బాలు, సతీశ్‌ఉపేంద్ర, కొడంగల్‌ రవికుమార్‌ తదితరులు పాల్గొన్నారు.

పోలీస్‌ అకాడమీ పరీక్షల మూల్యాంకనం సాధారణంగా ఉదారంగా ఉంటుందని, అలాంటి చోట ఇంత భారీ సంఖ్యలో అధికారులు ఫెయిల్‌ కావడం మాత్రమే కాక, ఎంసీఆర్‌హెచ్‌ఆర్డీలో ఫౌండేషన్‌ శిక్షణ పొందుతున్న ఇతర గ్రూప్‌-1 అధికారుల్లోనూ ఇదే తరహా నిరాశాజనక పరిస్థితులు కనిపిస్తుండటం విద్యా, మూల్యాంకన వ్యవస్థల వైఫల్యానికి నిదర్శనమని శ్రవణ్‌ విమర్శించారు.

అకాడమీ లోపమా, ఎంపిక వైఫల్యమా?

ఈ పరిణామాలపై టీజీపీఎస్సీ సమాధానం చెప్పాలని డిమాండ్‌ చేస్తూ దాసోజు శ్రవణ్‌ మూడు అనుమానాలను లేవనెత్తారు. టీజీపీఏలో సరైన బోధన లేకపోవడం, జాయింట్‌ డైరెక్టర్‌ వంటి కీలక పోస్టులు ఖాళీగా ఉండటం వల్ల శిక్షణ లోపించిందా? లేక గ్రూప్‌-1 మెయిన్స్‌ పరీక్ష అసలైన ప్రతిభను గుర్తించలేక అనర్హులకు ర్యాంకులు ఇచ్చిందా? లేదా మూల్యాంకనం, మారులు, ర్యాంకుల కేటాయింపులో లోపాయికారీ అక్రమాలు జరిగాయా? అని నిలదీశారు. గతంలో హైకోర్టు ప్రైవేట్‌ ట్యూటర్లతో మూల్యాంకనం, కొన్ని పరీక్షా కేంద్రాల నుంచే ఎకువ మంది ఎంపిక కావడంపై లేవనెత్తిన అంశాలను గుర్తుచేస్తూ, ఇప్పుడు ఫెయిల్‌ అయిన అభ్యర్థుల మూ ల్యాంకన వివరాలు, బయోమెట్రిక్‌ రికార్డులు, మారుల వ్యత్యాసాలపై సమగ్ర ఆడిట్‌ చేయాలని కోరారు.

కమిషన్‌కు 15 రోజుల గడువు

గ్రూప్‌-1 నియామకాలపై నిజానిజాలు నిగ్గుతేల్చేందుకు సిట్టింగ్‌ హైకోర్టు న్యాయమూర్తి, ఫోరెన్సిక్‌ స్టాటిస్టిషియన్‌తో స్వతంత్ర న్యాయ విచారణ ప్యానెల్‌ ఏర్పాటుచేసి 90 రోజుల్లోగా నివేదిక తెప్పించాలని శ్రవణ్‌ డి మాండ్‌ చేశారు. 563 గ్రూప్‌-1 పోస్టుల శిక్షణ రికార్డులను సమగ్రంగా పరిశీలించాలని, జవాబు పత్రాలు, ఎవాల్యుయేటర్‌ లాగ్స్‌, బయోమెట్రిక్‌, సీసీటీవీ డాటాను వెంటనే సీజ్‌ చేయాలని స్పష్టం చేశారు. కమిషన్‌పై ప్రజల్లో నమ్మకాన్ని కాపాడాల్సిన బాధ్యత చైర్మన్‌పై ఉన్నదని గుర్తుచేస్తూ, ఈ వినతిపై 15 రోజుల్లోగా స్పష్టమైన నిర్ణయం వెల్లడించకపోతే పోరాటాన్ని మరింత ఉధృతం చేస్తామని బీఆర్‌ఎస్‌ నాయకులు హెచ్చరించారు.