అర్హులందరూ ఓటుహక్కు పొందాలి

ఓటరు నమోదు కార్యక్రమంలో భాగంగా 18, 19 సంవత్సరాల వయస్సున్న వారందరూ ఓటుహక్కు కో సం పేరు నమోదు చేసుకునేలా అవగాహన కల్పించాలని ఎన్నికల ప్రధానాధికారి వికాస్‌రాజ్‌ జిల్లా అధికారులను ఆదేశించారు.

• ఎన్నికల ప్రధానాధికారి వికాస్‌రాజ్‌

హైదరాబాద్‌, ఆగస్టు 26 (నమస్తే తెలంగాణ): ఓటరు నమోదు కార్యక్రమంలో భాగంగా 18, 19 సంవత్సరాల వయస్సున్న వారందరూ ఓటుహక్కు కో సం పేరు నమోదు చేసుకునేలా అవగాహన కల్పించాలని ఎన్నికల ప్రధానాధికారి వికాస్‌రాజ్‌ జిల్లా అధికారులను ఆదేశించారు. శనివారం జిల్లా ఎలక్టోరల్‌ ఆఫీసర్స్‌(డీఈవో)తో ఓటరు జాబితాలో పేర్ల నమోదు ప్రత్యేక డ్రైవ్‌పై సమీక్షించారు. ఆమోదం పొందిన జాబితాలోని కొత్త ఓటర్లకు ఓటరు కార్డులు జారీ చేసేలా ప్రింటింగ్‌ ఆర్డర్లు ఇవ్వాలని సూచించారు. ఆదివారం కూడా ప్రత్యేక క్యాంప్‌లు బూత్‌ స్థాయిలో కొనసాగుతాయని, అర్హులందరూ వీటిని వినియోగించుకోవాలని వికాస్‌రాజ్‌ కోరారు.