సిర్పూర్‌లో భారీ బుద్ధ విగ్రహం

• ఏర్పాటు చేయించిన ఎమ్మెల్యే కోనప్ప

సిర్పూర్‌ (టి), జూన్‌ 8: కుమ్రంభీం ఆసిఫాబాద్‌ జిల్లా సిర్పూర్‌ (టీ) మండల కేంద్రంలోని నాగమ్మ చెరువులో భారీ బుద్ధుడి విగ్రహాన్ని బుధవారం ప్రతిష్ఠించారు. సిర్పూర్‌ ఎమ్మెల్యే కోనేరు కోనప్ప తన సొంత ఖర్చులతో 28 అడుగుల విగ్రహాన్ని ఏర్పాటు చేయించారు. ఈ విగ్రహాన్ని ఏపీలోని కర్నూలు జిల్లా ఆల్లగడ్డలో ప్రత్యేక నిపుణుడి పర్యవేక్షణలో తయారు చేయించినట్టు ఎమ్మెల్యే పేర్కొన్నారు. నాగమ్మ చెరువును పర్యాటక ప్రాంతంగా తీర్చిదిద్దుతానని స్పష్టం చేశారు. ఈ వేడుకలో ఎమ్మెల్సీ దండె విఠల్‌, బౌద్ధ భిక్షువులు, స్థానికులు పెద్ద సంఖ్యలో పాల్గొన్నారు.