Yuvraj Singh | కుమారుడి ఫొటోలు షేర్ చేసిన యువీ.. పేరు ఏంటంటే?

భారత్‌కు టీ20 ప్రపంచకప్ అందించడంలో కీలక పాత్ర పోషించిన ఆల్‌రౌండర్ యువరాజ్ సింగ్.. తన కుమారుడి ఫొటోలు విడుదల చేశాడు. ఫాదర్స్ డే సందర్భంగా ట్వీట్ చేసిన యువీ.. భార్య, కుమారుడితో ఉన్న ఫొటోలు షేర్ చేశాడు. వీటితోపాటు పిల్లాడి పేరు కూడా రివీల్ చేశాడు.

‘‘ఈ ప్రపంచంలోకి ఓరియన్ కీచ్ సింగ్‌కు స్వాగతం. అమ్మానాన్నలకు ఈ చిన్ని పుత్రుడంటే చాలా ప్రేమ. కోట్లాది నక్షత్రాల మధ్య నీ పేరు జిగేలుమన్నట్లే.. నువ్వు నవ్వినప్పుడల్లా నీ కళ్లు మెరుస్తాయి’’ అని ట్వీట్ చేశాడీ ఎడం చేతి వాటం బ్యాటర్. 2016లో బ్రిటిష్ మోడల్ హాజెల్ కీచ్‌ను యువీ పెళ్లి చేసుకున్న సంగతి తెలిసిందే.

Welcome to the world 𝗢𝗿𝗶𝗼𝗻 𝗞𝗲𝗲𝗰𝗵 𝗦𝗶𝗻𝗴𝗵 ❤️. Mummy and Daddy love their little “puttar”. Your eyes twinkle with every smile just as your name is written amongst the stars ✨ #HappyFathersDay @hazelkeech pic.twitter.com/a3ozeX7gtS

— Yuvraj Singh (@YUVSTRONG12) June 19, 2022