Transgender Women: ట్రాన్స్‌జెండ‌ర్ మ‌హిళా చెస్ క్రీడాకారిణిల‌పై నిషేధం

World chess federation : ట్రాన్స్‌జెండ‌ర్ మ‌హిళా చెస్ క్రీడాకారిణిల‌పై నిషేధం విధించారు. లింగ‌మార్పిడి చేయించుకుని మ‌హిళ‌ల ఈవెంట్ల‌లో పాల్గొంటున్న వారికి ఫిడే షాక్ ఇచ్చింది. ఆడ‌వాళ్ల ఈవెంట్ల‌లో ట్రాన్స్‌జెండ‌ర్ మ‌హిళ‌ల్ని ఆడించ‌వ‌ద్దు అని చెస్ స‌మాఖ్య వెల్ల‌డించింది. కొత్త మార్గ‌ద‌ర్శ‌కాల‌ను అమల్లోకి తీసుకువ‌చ్చింది.

న్యూయార్క్: అంత‌ర్జాతీయ చెస్ సంఘం సంచ‌ల‌న నిర్ణ‌యం తీసుకున్న‌ది. ట్రాన్స్‌జెండ‌ర్ మ‌హిళా(Transgender Women) చెస్ ప్లేయ‌ర్ల‌పై .. ప్రపంచ చెస్ సమాఖ్య‌ నిషేధం విధించింది. మ‌హిళ‌ల ఈవెంట్ల‌ల్లో ట్రాన్స్‌జెండ‌ర్ మ‌హిళ‌లు ఆడ‌రాదు అని కొత్త పాల‌సీని రూపొందించింది. ఇంట‌ర్నేష‌న‌ల్ చెఫ్ ఫెడ‌రేష‌న్ కొత్త మార్గ‌ద‌ర్శ‌కాల ప్ర‌కారం .. ట్రాన్స్‌జెండ‌ర్ మ‌హిళా చెస్ ప్లేయ‌ర్లు.. ఇక నుంచి మ‌హిళ‌ల ఈవెంట్ల‌లో పాల్గొన‌రాదు. అయితే త‌దుప‌రి విశ్లేష‌ణ జ‌రిగే వ‌ర‌కు ఈ నిషేధం కొన‌సాగ‌నున్న‌ది. ట్రాన్స్‌జెండ‌ర్ మ‌హిళ‌గా గెలిచిన టైటిళ్ల‌ను ర‌ద్దు చేయ‌నున్న‌ట్లు ఫిడే తెలిపింది. క్రీడాకారులు త‌మ లింగాన్ని మార్చుకున్న విష‌యాన్ని.. చెస్ పోటీల నిర్వాహ‌కుల‌కు తెలియ‌జేయాల‌ని ఫిడే చెప్పింది. ఫిడే తీసుకున్న నిర్ణ‌యాన్ని గే మ‌ద్ద‌తుదారులు వ్య‌తిరేకిస్తున్నారు. ఇది ట్రాన్స్ మ‌హిళ‌ల్ని అవ‌మానించ‌డ‌మే అని కొంద‌ర‌న్నారు. ”