వన్డే ఫార్మాట్‌కు స్టార్క్‌ గుడ్‌బై!

ఆస్ట్రేలియా పేసర్‌ మిచెల్‌ స్టార్క్‌ పరిమిత ఓవర్ల క్రికెట్‌లో ఒక ఫార్మాట్‌కు గుడ్‌ బై చెప్పనున్నాడా? అంటే అవుననే సమాధానం వినిపిస్తోంది.

చెన్నై: ఆస్ట్రేలియా పేసర్‌ మిచెల్‌ స్టార్క్‌ పరిమిత ఓవర్ల క్రికెట్‌లో ఒక ఫార్మాట్‌కు గుడ్‌ బై చెప్పనున్నాడా? అంటే అవుననే సమాధానం వినిపిస్తోంది. ఐపీఎల్‌-17 ఫైనల్‌లో కోల్‌కతా నైట్‌ రైడర్స్‌ విజయంలో కీలకపాత్ర పోషించిన స్టార్క్‌.. త్వరలోనే 50 ఓవర్ల ఫార్మాట్‌కు వీడ్కోలు చెప్పే అవకాశమున్నట్టు చెప్పకనే చెప్పాడు.

సన్‌రైజర్స్‌ హైదరాబాద్‌తో ఫైనల్‌ ముగిసిన తర్వాత స్టార్క్‌ మాట్లాడుతూ.. ‘గత తొమ్మిదేండ్లలో నేను ఆస్ట్రేలియా క్రికెట్‌ జట్టుకే అధిక ప్రాధాన్యతనిచ్చాను. సిరీస్‌లు లేనప్పుడు మిగతా సమయాన్ని నా కుటుంబానికి వెచ్చించాను. ఫ్రాంచైజీ క్రికెట్‌లో కొనసాగాలంటే ఏదో ఒక ఫార్మాట్‌కు వీడ్కోలు చెప్పక తప్పదు’ అని చెప్పాడు.