Virat Kohli: అకాయ్ అర్థం ఏంటి.. ఆ పేరెందుకు పెట్టారు ?

Virat Kohli: విరాట్ కోహ్లీ, అనుష్కా దంపతుల‌కు కొడుకు పుట్టాడు. అత‌నికి అకాయ్ అని నామ‌క‌ర‌ణం చేశారు. ఈ విష‌యాన్ని ఇన్‌స్టాగ్రామ్‌లో కోహ్లీ వెల్ల‌డించాడు. అకాయ్ అని పేరు ఎందుకు పెట్టారో తెలుసుకుందాం.

న్యూఢిల్లీ: విరాట్ కోహ్లీ(Virat Kohli), అనుష్కా దంపతుల‌కు కొడుకు పుట్టాడు. అత‌నికి అకాయ్( Akaay) అని నామ‌క‌ర‌ణం చేశారు. ఈ విష‌యాన్ని ఇన్‌స్టాగ్రామ్‌లో కోహ్లీ వెల్ల‌డించాడు. ఈ నెల 15వ తేదీన అనుష్కా మ‌గ‌బిడ్డ‌కు జ‌న్మ‌నిచ్చిన‌ట్లు చెప్పాడు. 2021లో ఆ జంట‌కు ఓ అమ్మాయి పుట్టిన విష‌యం తెలిసిందే. ఆ పాప పేరు వామిక‌. బాబుకు అకాయ్ అని పేరు పెట్ట‌డం వెనుక ఉన్న అర్థం ఏంటో తెలుసుకుందాం.

అకాయ్‌ అని పేరు పెట్ట‌డం వెనుక ఉన్న ఆంత‌ర్యం ఏంటో తెలియ‌దు. కానీ పేరు మాత్రం చాలా ప్ర‌త్యేకంగా ఉన్న‌ది. చాలా విశిష్టంగా వినిపిస్తున్న ఆ పేరు గురించి కొన్ని విష‌యాలు తెలుసుకుందాం. హిందీ ప‌దం కాయ అన్న ప‌దం నుంచి అకాయ్ వ‌చ్చిన‌ట్లు భావిస్తున్నారు. కాయ్‌ అంటే కాయం. అంటే శ‌రీరం అని అర్థం. అకాయ్ అంటే పుష్టిక‌ర‌మైన శ‌రీరం క‌ల‌వాడ‌ని అర్థం వ‌స్తుంద‌ని కొంద‌రు భాషా నిపుణులు భావిస్తున్నారు. ఇక ట‌ర్కిష్ భాష‌లో అకాయ్ ప‌దానికి ఓ అర్థం ఉన్న‌ది. మెరిసే చంద్రుడిని అకాయ్ అని ఆ భాష‌లో పిలుస్తారు.

మ‌గ‌బిడ్డ‌కు అకాయ్ అనే పేరును ఎందుకు పెట్టారో ఇంకా విరుష్కా జోడి అధికారికంగా చెప్ప‌లేదు. కానీ ఇప్ప‌టికే ఆకాయ్ పేరు సోష‌ల్ మీడియాలో పాపుల‌ర్ అయిపోయింది. కొన్ని గంట‌ల్లోనే విరాట్ కోహ్లీ చేసిన పోస్టుకు 50 ల‌క్ష‌ల లైక్‌లు వ‌చ్చేశాయి. బాబుకు జ‌న్మ‌నిచ్చిన విరుష్కా జోడికి క్రికెట్‌, ఫిల్మ్‌ రంగాల నుంచి విషెస్ అందుతున్నాయి.

 

View this post on Instagram

 

A post shared by Virat Kohli (@virat.kohli)