Glen Maxwell : బిగ్బాష్ లీగ్లో టీమిండియా ప్లేయర్ సూర్యకుమార్ ఆడడంపై ఆస్ట్రేలియన్ ఆల్రౌండర్ గ్లెన్ మ్యాక్స్వెల్ ఆసక్తికర వ్యాఖ్యలు చేశాడు. భీకర ఫామ్లో ఉన్న సూర్యకుమార్ను బిగ్బాష్ లీగ్లో తీసుకునే అవకాశం ఉందా? అనే ప్రశ్నకు స్పందిస్తూ.. ‘సూర్యకుమార్ను బిగ్బాష్ లీగ్లో తీసుకునే అవకాశం ఉందా? అనే ప్రశ్నకు స్పందిస్తూ.. అతను చాలా ట్యాలెంటెడ్ ప్లేయర్. అతడిని వేలంలో దక్కించుకోవాలంటే జట్టులో ఉన్న అందరినీ తొలగించాలి. వాళ్లందరికి ఇవ్వాల్సిన డబ్బుతో సూర్యకుమార్ను కొనాల్సి ఉంటుంది’ అని మ్యాక్స్వెల్ అన్నాడు.
‘సూర్యకుమార్ని కొనేందుకు మా దగ్గర సరిపోను డబ్బు లేదు. ఒకవేళ అతడిని బిగ్బాష్లీగ్లో ఆడించాలంటే మా జట్టు కాంట్రాక్టు ఉన్న ఆటగాళ్లందరినీ తీసెయ్యాలి. అప్పుడుగానీ సూర్యను కొనడం సాధ్యం కాదు. అతను గ్యాప్లను వెతికి మరీ బౌండరీలు కొడతాడు. అందుకనే తక్కువ టైంలోనే టీ 20ల్లో ఉత్తమ బ్యాటర్గా ఎదిగాడు’ అని సూర్యపై మ్యాక్స్వెల్ ప్రశంసలు కురిపించాడు.
బిగ్ బాష్ లీగ్ అనేది ఆస్ట్రేలియాలో జరిగే టీ 20 లీగ్. గత ఏడాదికాలంగా సూపర్ ఫామ్లో ఉన్న సూర్య టీ 20ల్లో నెంబర్ వన్ ర్యాంకులో కొనసాగుతున్నాడు. ఈమధ్యే న్యూజిలాండ్పై అతను రెండో టీ 20 సెంచరీ సాధించాడు. భారత క్రికెటర్లు ఇతర దేశాల లీగ్స్లో ఆడడంపై నిషేధం ఉంది. ఒకవేళ ఆడాలనుకుంటే వాళ్లు అన్నిఫార్మాట్ల క్రికెట్ నుంచి తప్పుకోవాలి. ఆ నిషేధం గనుక లేకుంటే ఇతర లీగ్స్లోనూ మన క్రికెటర్స్కు భారీ ధర దక్కేది. 2023 ఐపీఎల్లో సూర్య ముంబై ఇండియన్స్, మాక్స్వెల్ రాజస్థాన్ రాయల్స్ తరఫున బరిలోకి దిగనున్నారు.