Vishvajit More | వరల్డ్ ఛాంపియన్‌షిప్స్‌లో రజతం.. చరిత్ర సృష్టించిన యువ రెజ్లర్..!

Vishvajit More : భారత యువ రెజ్లర్ విశ్వజిత్ మోరె (Vishvajit More) చరిత్ర సృష్టించాడు. అండర్-23 గ్రీకో రోమన్(Greco- Roman) విభాగంలో రజతం గెలిచిన వీరుడిగా రికార్డు నెలకొల్పాడు.

Vishvajit More : భారత యువ రెజ్లర్ విశ్వజిత్ మోరె (Vishvajit More) చరిత్ర సృష్టించాడు. అండర్-23 గ్రీకో రోమన్(Greco- Roman) విభాగంలో రజతం గెలిచిన వీరుడిగా రికార్డు నెలకొల్పాడు. పురుషుల 55 కిలోల విభాగంలో గురువారం ఒక్క పాయింట్‌ తేడాతో స్వర్ణం చేజార్చుకున్నాడతడు. హోరాహోరీగా సాగిన పోరులో జార్జియాకు చెందిన కొబ కరుమిడ్జే చేతిలో మోరె ఓడిపోయాడు. పసిడి కల చెదిరినా.. ఈ విభాగంలో రెండో స్థానంలో నిలిచిన భారత కుస్తీ చిన్నోడిగా అవతరించాడతడు.

కుస్తీ ఆటలో విశ్వ వేదికపై మరో భారత కుర్రాడు మెరిశాడు. అమెరికాలోని లాస్ వేగాస్‌లో జరుగుతున్న అండర్-23 వరల్డ్ ఛాంపియన్‌షిప్స్‌లో అదిరే పట్టుతో అదరగొట్టిన విశ్వజిత్ మోరె వెండి వెలుగులు విరజిమ్మాడు. గ్రీకో రోమన్ పురుషుల 55 కిలోల విభాగంలో సత్తా చాటిన అతడు.. ఫైనల్లో మాత్రం తడబడ్డారు.

🥈 SILVER FOR VISHVAJIT MORE! 🇮🇳🤼

Vishvajit More falls agonisingly short of gold, losing to Georgia’s Koba Karumidze in the U23 World Championships 55kg Greco-Roman final.

A valiant fight till the final second! 🇮🇳👏

#Wrestling #U23WorldChampionships #VishvajitMore #IndiaSportsHub

— IndiaSportsHub (@IndiaSportsHub) October 15, 2026

ఆద్యంతం ఉత్కంఠ రేపిన పసిడి పోరులో కొబ కరుమిడ్జే(జార్జియా)కు గట్టిపోటీనిచ్చిన మోరె ఒక్క పాయింట్ తేడాతో ఓడాడు. మ్యాచ్‌లో అద్భుత ప్రదర్శిన భారత కుర్రాడు 12-13తో వెనకబడి సిల్వర్ మెడల్‌తో సరిపెట్టుకున్నాడు. అయినా సరే అండర్-23 వరల్డ్ ఛాంపియన్‌షిప్స్ గ్రీకో రోమన్ విభాగంలో ఫైనల్ ఆడిన తొలి ఇండియన్ రెజ్లర్‌గా మోరె చరిత్ర లిఖించాడు. ఇదే పోటీల్లో.. చేతన్ (63 కిలోలు), కరణ్ కంబోజ్ (87 కిలోలు) పతక పోరుకు అర్హత సాధించలేదు. అయితే.. మహిళల విభాగంలో కోమల్, దీక్షా మాలిక్‌(68 కిలోలు)లు కాంస్యం పతకం కోసం బరిలోకి దిగనునున్నారు.