న్యూఢిల్లీ: ఇరవై రెండు సార్లు గ్రాండ్ స్లామ్ టైటిల్స్ నెగ్గిన స్పెయిన్ టెన్నిస్ దిగ్గజం రాఫెల్ నాదల్ సుదీర్ఘకాలం తర్వాత పురుషుల సింగిల్స్ విభాగంలో టాప్-10 జాబితాలోంచి చోటు కోల్పోయాడు. ఒకటి కాదు, రెండు కాదు ఏకంగా 18 ఏళ్ల (934 వారాలు) నుంచి టాప్-10లో కొనసాగుతున్న నాదల్.. తాజా ఏటీపీ ర్యాంకింగ్స్లో 13వ ర్యాంకుకు పడిపోయాడు.
రాఫెల్ నాదల్ తొలిసారి 2005 ఏప్రిల్ 25న టాప్-10లో టాప్-10 జాబితాలో ప్రవేశించాడు. అప్పటి నుంచి 2023 మార్చి 20 వరకు ఏకంగా 934 వారాలపాటు టాప్-10 జాబితాలో కొనసాగాడు. దాంతో ఏటీపీ ర్యాంకింగ్స్ చరిత్రలో ఇంత ఎక్కువ కాలం వరుసగా టాప్-10 జాబితాలో కొనసాగిన ఏకైక ఆటగాడిగా నాదల్ నిలిచాడు.
కాగా, నాదల్ 13 ర్యాంకుకు పడిపోవడంతో రెండు గ్రాండ్ స్లామ్ టైటిళ్లు గెలిచిన 19 ఏండ్ల కార్లోస్ అక్లరాజ్ ప్రస్తుతం జాబితాలో అగ్రస్థానంలోకి వెళ్లాడు. నొవాక్ జకోవిక్, స్టెఫనోస్ సిట్సిపాస్, కాస్పర్ రుడ్, డానిల్ మెద్వదేవ్ వరుసగా రెండు నుంచి ఐదు స్థానాల్లో ఉన్నారు.